(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

‏فوق وسق الذلول و تحت شمس النهار
ما بقى من مداد الصبر صبراً وفير

يطوي البيد ظلن ، مالـ قاعه قرار
كل ما جيت اسولف قال سرك فـ بير

السحايب شحيحه و الصحاري قفار
درهمي يا ذلولي لـ الوداع الاخير

محمد الاسعدي

[بقآيآ .. حرف]

‏استنفر الصبر من صدري بزند وفتيل
محتاج من مدّلهم المزن نفخة براد
.
لو في شعور الاوادم صرت عابر سبيل
انا لي احساس ما يقلط على كل زاد.
.
اتنفسه لين احس انه لروحي عديل
ولو مات داخل فوادي ماعرضته مزاد
.
فيني من الوجد عرق ٍ ينهل السلسبيل
وامد له من ضلوع الصدر خير المداد

محسن المقاطي

[بقآيآ .. حرف]

‏ساقك جهام الليل ياشمس الغروب
ماكن لك فـ الكون ( تاثير وقسم )

رحتي مراح اللي على وسع الدروب
تعلقت نفسه بشي ٍ ما انقسم

انا دخليك من نسانيس الهبوب
ما مر في صدري ولا بارد نسم

عن ترجمة بعض المشاعر كيف اتوب
وعلى يدين الوقت وضع ٍ ما انحسم

محسن المقاطي

[الركام]

كل مامريت قلت القى جديد
واثر وعد الوقت حلم مايصيب

قلت يمكن نجتمع في يوم عيد
مادريت ان السبب هو النصيب

[بقآيآ .. حرف]

‏يا اصدقاي اللي بقوا والزمن مَّر
شكراً مثل ما ينفرد بالسما طير..
،
وشكراً لمن ينهي صداقة بلا شَّر
ما دام ما يقدر يواصل على خير

محمد صلاح

[بقآيآ .. حرف]

‏حتى ظِلَالك شققتها المشاريه
جدبا فصولك.. و أربَعتها تشابه

غصنٍ شرب كاس العطش وارتوى تيه!
يحسب حساب الماء وهو فالسحابة

عبدالله الرشاش

[بقآيآ .. حرف]

‏لي كذا صوت، أخوض الوحل و أتخلله
ولا فزع لي رغم طينة وضوحي.. تراب
.
ماشربت العطش ذلة، ولا مهزلة
من غدر به سحاب العمر، خاوى السراب
.
رحت وحدي على أول خوف.. خفت اسأله
وجيت خايف من آخر حزن عزّا الجواب
.
لي كذا صمت، "أحبك" داخلي مهملة
مستحي منك ياصوتٍ نصرته، وخاب

عبدالله الرشاش

[بقآيآ .. حرف]

‏على رأي فهد المساعد :

اللي تبونه مر وقت وكتبته
لا غبت عنكم عوضوا غيبتي فيه
الله خلقني حر واللي عجبته
ماهوب لازم باكر أعجبه وارضيه

فهد المساعد

[بقآيآ .. حرف]

‏لا للوفا..لا للغلا..لا للرضا..لا للحنين
لا للدموع اللي تبي تسقي العروق التالفه

‎رشيد الدهام

[بقآيآ .. حرف]

‏'

يا للعجب.. للدرب وجه وتجاعيد
وانا على ممشاه .. يا للعجب لي

ما غير أجـوّد حبل الايـام تجويد
لا ينقطـع بـ يـديـن الأيـام حبلي

‎رشيد الدهام