حزه المقلاط

[راع العرض]

يبين الكفؤ واللاش في حزه المقلاط
ولا حددت مراجل الرجل بشروطي

يصيب الردي عند المراجل بلا واحباط
ليا جاه ضيفه راح وجهه كما القوطي

وبقولها لاكبر مني ولا بهياط
أنا من عيال العود مانيب جحلوطي

وانا ابخص رفيقي زين فالقيض وإلا أشباط
وَيَا حبني للشي لا جاك مسفوطي

ورفيق المصالح منه متحذر ومحتاط
ولو قال أنا مضبوط مأهوب مضبوطي

ومن شب ناره حرك الجمر بالملقاط
ولو ان كثير الناس ماعاش مبسوطي

راع العرض

[عبدالمحسن الرحمه]

ورفيق المصالح منه متحذر ومحتاط*
ولو قال أنا مضبوط مأهوب مضبوطي


شاعرنا القدير راع العرض
كم وافيه ليسا فيها تكلف
نسجت الإبداع بختصار
فريد لله درك سيدي
كن بخير دائما
وصح الله السانك يالذيب

[راع العرض]

صح بدنك استاذي وشكرا على اطراىك الجميل

[عابر سبيل]

الله .. الله
لله درك أخي الغالي ( راع العرض )
صح لسانك واعتلاء شأنك يالقرررم .. شاعر متمكن وجزل الله يسعدك يالغالي ...
ختم التميز والتقييم الكاامل لطرحك المميز .. تقبل محبتي واحترامي ،،،،

[راع العرض]

صح بدنك استاذي عابر سبيل وأشكرك على تقييمك ولا عليك زود يالقرم

[وادي الرماديه]

يبين الكفؤ واللاش في حزه المقلاط
ولا حددت مراجل الرجل بشروطي

احسنت ياشاعرنا المبدع وصح لسانك على هذا الابداع المشهود

[راع العرض]

صح بدنك شاعرنا الكبير والابداع منكم وشهادتك فخر لي وشكرا على مرورك الكريم

[أبو سيرين]

صح لسانك اخوي راع العرض

ونحيل هذه القصيدة إلى لجنة التقييم والإجازة

برئاسة المشرفين ( عابر سبيل ، رذاذ ، غانم الضوري ، صبح المطر )




ومتابعة المدير التنفيذي / أبو سلطان العتيبي <<<< الله يعينك هههههه

وبإشراف خاص من الأستاذ / عبد الهادي العبد الهادي حفظه الله

مدير شبكة البراري















ههههههههههههه

امزح معك


تحيتي وتقديري

[راع العرض]

صح بدنك يبوسيرين وأتمنى فعلا وجود لجنه تقييم للقصائد

[سحاب شقراء]

ابداع وا واسع الخيال وكلمات تدخل القلب


احيلوها عندي ونا ابو هندي

يتوج راعي العرض بشاعر متمكن

ويستلم قياده السفينه

وش رايكم في حكمي