السلام عليكم
شرفني أخوي الغالي الشاعر عبدالمحسن بمجاراة لقصيدتي تصبرنا
وإذ آشكره على مشاعره الأخوية الصادقة التي جاءت بالقصيدة الجميلة
صبح المطر أتمنى ان تنال هذه الأبيات على رضاه واعجابه
لكم جميعا كل محبة واحترام
/
من هاجس ن بالوفاء والشوق يغمرنا
يا مرحبا بالوفي اللي يحييــــــــــــنا
اللي بدع قافــــه الشــــوّاق وأسررنـــا
والشعر في جـزله المرموق يبريـــــــنا
شاعر ودايــــم مع القيفان يبـــهـــــرنا
أعــــتز باللي على المعنى يـجـــاريـنا
سلام مثل المطر لا هل وأبــــــــــدرنــــا
من رايح الوسم عقب الوقت حاديـــنا
بعض المعاني مشاعرها تســــــــاورنا
تفوح بالعود الأزرق لين تنشـــــــــينـا
القلب يقراء القلوب اللي تشـــــاطـرها
والقاف طرقي بدرب الوصل لافينـــــــا
منكم نخيله عسى يشمخ مسافــــــرنا
عساه يافي ويســـمي في معانيـــــنا
لو نشكي الوقت ظرفه مــا يــــبـررنـــا
اللوم لو نذخره ما اقول يــــعفـــيـــنـا
شرواك يا صاحبي يعذر تأخــــــــــرنا
نمشي أمل والليال السود تسنيـــــــنا
صبح المطر
2015-10-07, 12:17 AM
عبدالمحسن الرحمه
العرض الشجري