|| هِنآ لـ آلحگيٌ لمسة إحساس / هِنآ لـ آلصدر [ تنهيدَه]

[تناهيد]

لو زخرفت دنياك عذبات الازمان
ولو انها زانت تراهـا دنيّـــه

وإحفظ سدودك بين قلبن ووجـدان
ولا يذيع سـدك عند كـل البريــــه

[عايد]

من بنات الريح لي صفرا جفول =
كنها ظبي الفلا بجفالها
منوة الخيال عساف الخيول =
زينها في دقها وجلالها
زينها ما شفت وصفه بالمثول =
الله اللي بالجمال اصخى لها
تستذير كحيلتى من كل زول =
ما يصخرها سوى خيالها
اذكر الله كل ما قامت تجول=
و احمد الله خصنى بحبالها
كنها تمشي على قرع الطبول =
فتنى اللي خافقه يبرى لها
ظافي القصه على الطرف الخجول =
تنكسر شمس العصر بظلالها
وصفها وصف السحاب اللي يحول =
كل عين تستخيل خيالها
او كما طاري على الخاطر عجول =
صاحبه حقيقته ما طالها
كل رجل في حياته له ميول =
والهوايه تمتلك رجالها

[المخلص]

مبدعه يامشرفتنا -- موضوع جميل

وشيق - - مشكوره

لي مدة يا الربع ماصغت قيفان

ولاني على بدع القصيد اندفاعي

جدب القرايح علها اليوم وديا ن

وسيل المشاعر مثل سيل التلاعي

مثايلك تجلي عن الصدر الاحزان

زود على الجوهر كساها اللماعي

[بقآيآ .. حرف]

حتى النخل من جمالك وده يقلدك
يرسم جريده هلالك ويتشابك غلا
ايقظت فيه السهر جالس على موعدك
كفه بكفك وعينه ترتوي بك حلا

[تناهيد]

عيني على شـوف الولايـف مخـــبّاه
جـــزوع لاجاه الجفـــا من عشـيري

[تناهيد]

هاك قلبي ، لا تروف ولا تحنـه
حسسّه بان المحبه .. شيّ ثاني

والله إن يموت .، لا خيّبت ظنـه
وانت اعرفك طيب ومنته بأناني

جر لحن الحب .. وإستمتع وغنّه
ولا تحسّب للدقايق / والثـوانـي

[تناهيد]

والله انـك في شـرايـيـنـي تـمـشــى
والله ان بــاب الـرجـا عــاده مسـايـف

مـالحـبك طـب مدامـه تـفشــى
في عروق اللي ورى العوج النحايف

[عايد]

بنت الكحيله مهرتي
وخيالتي من كل اصيل
ألقى عليها طربتي
بين المعنق والشليل
صدر وقطاة فلوتي
العنق والساق الطويل
وقع الحوافر نغمتي
وحداتنا رجع الصهيل
أبوي وجدي قدوتي
لو ما لهم عندي مثيل
بالدين تفخر عزوتي
والرمح والسيف الصقيل
ماكر حرار ديرتي
ما في هل العوجا ذليل

[تناهيد]

فــيــنــي ولـه,فـيــنــي حـنـيـن,وفـيـنــي
شــوقٍ سـكـن فــي مهجـتـي مشقـيـنـي

أضــمّــد جْـروحـي,وأحـاكــي روحـــــي
وأخـشــى الـمـخـده ريـشـهـا يـوحـيـنـي

مستوحـشـه مـــن ديـرتـي,مـن نـاســي
مــاكـــن شـــــيء بـدنـيـتــي يـعـنـيـنــي

أعـمــى عـيـونـي شـوقــي المسـتـفـحـل
مــــوج الـبـحــر والــــورد مـايـغـريـنـي

وحـتـى النسـيـم الـعـذب لامــن ذعـــذع
كـنّـه عـلــى جـمــر الـغـضـى صالـيـنـي

أحـتـرت فــي نفسـي,وأنـا عــن نفـسـي
أدري ولا أدري وش حصل,وش فيني؟

مـسـتـرهـفـه وأنـــــا رهـيــفــه خـلــقــه
وأدنـــــات كـلــمــه يـافــهــد تـبـكـيـنـي,

لـ شاعرة نجد

[تناهيد]

يكذب عليّ القلب لو قال ناسيه
ما أصدقه لو قال والنبض يفضح

يا ليت قلبه عند قلبي يواسيه
واللي بوسط القلب لابد ينضح