(( ماذا ستكتب على جدار الزمن )) تفضل وشارك......

[عابر سبيل]

احب كل الناس واقدّر الناس
ولا احب اسبب للاوادم مضرّه

ولاني بمتكبر.. ولا اوطي الراس
ولا اشيل في قلبي من الحقد ذرّه

[عايد]

حاولت بالصبر أخبي دمعتي وأدرى

لكنّ بانت لـ صدقاني و عدواني

ياليتها وقفت ما جالها مجرى

ودي آليا من بكيت أكون وحداني

تعال يا الليل أنا محتاج للمسرى

دامك خوي الطريق و كاشف أحزاني

بكتب لك اللي حداني للبكا و أقرأ

يمكن نجومك تراعي حسّ وجداني

تعبت أعن الكتابه في ظهر شقرا

لـ الناس و الناس تقراني و تنساني

تشتيت الأفكار من يمنى آليا يسرى

جاني و أخذ كل تفكيري و خلاني !

يا سيرة الحب ما أدري سيرة ألذكرى

أنا ؤش اللي على سكتك وداني !

نهايتك كل أبوها جرح ما يبرى

وان قلت أبا أطيب قال الجرح غلطاني

حالي هو اللي بحالي من شقاه أدرى

من بعد بكيت معشوقي و بكاني

يشره علي الغشيم و يضحك و يزرى

واقول لا وعساه إيجيه ماجاني

العشق ما فيه ليله تعتبر قمرا

إلا .. بداية لقاء مغرم / و ولهاني

وباقي لياليه حسب التجربه غدرى

تجريح أحاسيس و معاتب وحرماني

وان كان فيه أمنيه يا صفحة ألذكرى

يا ليت مانيب أنا يا ليتني ثاني !!

عناد الشيباني

[عابر سبيل]

صمت الغـلا يجـرح ولـو گان بسكات …
حتى غصون الحـب يقطف ثمرها"

صمت الغـلا بداخلي … يگتب أبيات …
عيت قوافي الشعر ،، تعرف بحرها"

[عابر سبيل]

مسااااء الورد والكادي ع الجميع ،،،

[عايد]

عيش حلمك لو بدا لك مستحيل ***
واصنع من آمال نظراتك هدف
لا يدب اليأس والله الوكيـــــــل ***
ولا تقول الحــلم بنجيبه صدف

[عابر سبيل]

خلك وسيع البال و تحصل الخير
وخلك مع العالم حسن التعامل

وسامح رفيقك لاحصل منه تقصير
وأصبر ترى مافي المخاليق كامل

[عايد]

.... وخفت لا أنساه ..

غمسته في تجاويفي .. ولا ابتلت ! ... عدا احداقي ! ’

تجيب المبتعد .. وتصب ارضه .....ليييين ينبت ماه |
واحس بداخلي طفل ٍ .. يهيم ... ويشتم الساقي .... ]
عبث.. خاف وتغنّى لـ الرحيل ... وسال بين غناه .. /
واخاف يجيبه الدرب الطويل ... وتقصر أوراقي ... /
انا لاجيت انقش من كفوف الذاكرة ... فرقاه ... |
تبرّا الدرب .. من كل الخطاوي ... واشتهى ساقي .... )
تعبت اسقي سماي من السؤال ... ولا ظهر معناه .... |
كذا ياخذ مواعيدي ... ولا رتّبت اشواقي ! .... ]
يجي وافرش سكوتي .. ليين يزرع لـ الحزين شفاه؟! .. /
يجي اثقل من احلام الفقير ... وهقوة الهاقي ؟ ... )
خفوق ٍ كلما بيّن مثل ضضضي القـُرى .. جوّاه ... /
عشقت اتوسل اسوار الغياب ... وغاب عشاقي .... ]
واقوم ابني على شط الاماني .. مشيته وخطاه .... /
اذا امتدت سواحل .. مبعديه .. وخلت الباقي ! ... )

لاجل اضحك على عقل المشاعر .. واحتري يمناه .. /

تصافح كل ضلع ٍ من ضلوعي .. مل خفاقي ! ..... ]
وآتم اللي توطّاه الزمان .. وخفت لا انساه .... /
غمست القلب في قلب الرحيل .. وجفت اعماقي ...

"

من المصدر
(بوح الليل)

[عابر سبيل]

لا صرت متعافي وبالخير مستور
تـراك في نعمه و غيـرك فقدها
اشكر ترى الأيام في خلقه تدور
ولا دامت أرزاقه لشخصٍ جحدها .

[عابر سبيل]

عود علينا البرد من عقب ماراح
والظاهران (الخبل بيع عباته)

ماطاع شور العود ولاطاع نصاح
ويستاهل اللي ماتجود وصاته

[عابر سبيل]

مشتاق له جعل المقاريد تفداه
جيته على الموعد غلا مالقيته

مع كل ماسوى فلا يمكن انساه
ياويل قلبي لا ذكرت وطريته