أضحـــك لدنيــاك لا تبـقى عبوس
بس دون أسراف في ضحكك لها
وأحترس منها ترى ماهي عروس
تنـخطـب لـك لا بــدى حبـك لـــها
يـــاكثر ماتختلـف فيــها الطقوس
مــاحـداً يـــــقدر يحـدد شـــكلها
ولا تـخـلي كـل همــك بالفـلــوس
يســفهك عـند المـلا لهفــك لها
ولا تجي مثل الحنوك بلا ضروس
من رداهــا زادهــا يــعلك لــها
أجعل الهمه سهم والنفس قوس
للمـعـالي شـــدها وأمسك لـــها
ولا يبلغك المراجل حــــب رووس
أرتـفع بالنـفس عن قتـلك لــها
لا تــغامــر بــالامور الا تسـوس
بالسياســة والعقــل تكتــك لــها
ولا تــصير بساعة الشدة نسوس
الثــقيـلـة صر جمــل وابرك لـها
وأحذر الحساد وضعاف النفوس
والعــداء لا ينكشـف سـرك لـها
وأبتــعد عن كل نمـامـاً بلــــوس
ماكل لحــوماً وهي حـرم أكلـــها
والمره ترهي سبب حرب البسوس
ودها أنك يالرجل كلك لــها
مايــصدق كيدها غير الهـدوس
مير حذرى ينــحني راســك لــــها
أقلع الضرس اللذي به عرق سوس
طب كل مشاظبه قلعك لـــها
خذ رزينـة تـازن الراي وتقـوس
ماتخـالـف طــاعتــك وأمـرك لـــها
وراقب اللــه بالقيام وبالجلوس
لــه حقــوقــاً يغضبــة تركك لــها
لا تجي له يابسـاً حـالك يبــوس
القيــــامة وش بقــي عنـدك لــها
يالبنــادم خذ من الدنيا درووس
والنصــايح ينفعــك حفظــك لــــها
وكان نفسك تشتهي كثر التعوس
فالممــات من الحيـاة أبرك لـها
عبدالرزاق الهذيل
2013-03-19, 12:54 PM
العرض المتطور
