قصيدة مهداه الى شاعرنا القدير / غانم الضومري

[مساعد منيف العتيبي]

مرحبا بك ملايين،، أخونا ماجد،،
قصيده مليئه بالشعر والفخر ،، بيض الله وجهك،
لما أثريتنا به ،ويستاهل أبوسامي، فمرحبا بالشعر ويستحق مستشاره الثري بالأبداع والتميز ،، غانم وغانم وغانم بكل الروائع،،
دمـــــــــــتم بخير
مساعد العتيبي

[ماجد بديّح]

مشكور من رحب وهلا من الجـــــــاش*** ومشكور من شاهد ولا حط له صـــــوت
وصلت مشاعركم مثل غيمة ارشــــــاش*** تروي عطش بيد الصحاري عن الموت
الادمى لولا الامل كان ماعــــــــــــــاش*** حنا بشر نحتاج واحبابنا سكـــــــــــوت
غاب الوصل يوم التواصل له انعـــاش*** والوصل يبقى للبشر صخر منحــــــوت
ومابين غمضة عين واغضاي وارماش*** تجري بنا الايام واقرابنا قـــــــــــــوت
وشوق المشاعر حركه ضلع عكــــــاش *** عاشق طميه بين وديان واخفـــــــوت
ياهل الغرام اللي لهم بالهواء فـــــلاش*** الحب قبله نضرةً تسبق الصـــــــــوت


صح لسانك ابوسامي قصيدة في قمة الروعه مافيه شي جديد عليك دايماً
في القمه

[راع العرض]

صح لسانك اخوي ماجد ويستاهل ابو سامي وحضورك قوي ولا تحرمنا جديدك

[غانم الضومري]

رصاصة النظرة تقل طلقـــــــة كلاش .. يشـعر بها اللي تلتـه بالهوى نـــــوت
لا سلهمت عقب النظر هدب الارماش .. هكا العيون الخرس وش انت يالمــوت
طريحهن ما ينفــعه طــب وانعـــــاش .. الحق زمانك قبل لا يفــرط الفـــــــوت
أية ابو نومــه بلا دوشـق افــــراش .. الله على دوٍ .. خلا .. يرجع الصـــوت
ما دوجه تبـع المطر راع الادبـــاش .. ولا شافها اللي ضيـّـع الوقت بالوت
من الحيا قامت تغـريش تغريـــاش .. تشـرح قليبٍ من عنى الوقت مكبوت

صح لسانك يابو بديح .. يابن الحلال ترانا على وشك الاعتزال لا تهايرنا الله يرحم والديك ..

[ماجد بديّح]

ياااهلا بكل من مر ورحب

شاكر لكم ترحيبكم في اخوكم
ماجد بديّح

[غانم الضومري]

مشكور ياماجد بديــــــح .. ولا هي غريبه على امثالك
نهرك بحر ماهو شحيح .. قراح يسقي عطـــش هالك
عطنا من الشعر لا تريح .. طوح بصـوتك وموالــــك

[سمو المشاعر]

اهلاً وسهلاً بالشاعر ماجد بديح سعداء بتواجدك منور
وصح لسانك وسلم بنانك والنعم بكم جميعاً يستاهل ابو سامي .