إقلط تفضل على دكة هواجيسي

[غانم الضومري]

المعذره يادكتي واسمحيلــي
على غيابي عنك مدة طويله

سألت ربي ما يقلل حصيلي
يوم ان كل يفتخر في حصيله

مهما تعلينا براس الطويلـــي
لا بد ما تنثـر علينا النـثـيـلــه

ولا بد ما نبعث بيومٍ طويلــــي
تذهل به المرضع وتنسى طفيله

مافيه فرقٍ بين حضر وقبيلـــي
ولا احد يقول انته من أية قبيله

مااحد بها الدنيا سلم مستحيلي
يارب ترزقنا السبب والوسيله

يارب ساعدني اذا قـــــل حيلي
بس أنت يالمعبود من نشتكيـــه

نفس العنى جاهدتها طول ليلي
أبعــتـزل وتقولي مستحيلـــــــه

كان الشعر حرام ياويل ويلي
لو ان حرفي ما يمر الرذيله

لكن هاجوس القصايد تجيلي
أستغفرالله كل يومٍ وليلـــــــه