مســـاجلات شعرية ( موضووووع تفاعلي ) حمااااس

[ذيب آجا]

يالله ياعالي على كل عالي
ياواحد(ن)ماغيره الخلق ترجية
يارازق الحيه بسمر الجبالي
واللي دبا بالقاع من القاع تسقيه
يامحيين عود(ن) هشيم وبالي
ينبت ورق من بعد موته وتحيه
يالله طلبتك ياعظيم الجلالي
تنزل علينا الغيث والمزن تنشيه
وتسقي جنوب المملكة والشمالي
وشرقه وغربه وكل وادي اتمشيه
ويرعى الحيا بالارض حمر الجمالي
مع الغنم والروض يطرب مراعيه
ويطيب كيف اللي نجره يلالي
ويفرحبه اللي اسود الحزن يكويه

من ابياتي المتواضعة..واعتذر للاطالة