وصية الاب لابنه

[أحمد الحربي]

هذهـ القصيده لـ الشاعر مرشد البذال رحمة الله عليه ..
قصيدهـ فيها الحكم و النصائح ما ندر وجودهـ في غيرها من القصائد ..

كلمات القصيدهـ ..
يالله يا رب الضعوف المساكين .. اللي لك المخلوق يحسن صلاته
تستر على غوشن صغارن مكفين .. اكبرهم العارف دليله عصاته
لا يا عيالي كل ابوكم حبيبين .. عندي و عند الناس كلن و ذاته
عندي غلاكم يدفن الزين و الشين .. و عند العرب كلن تشاف اخملاته
يا عبيد انا خابرك ورعن لـ هالحين .. داوي بغبات الجهل وظلماته
لا شك علمي لك محبة و تفطين .. تسمّع الوالد و ثبت وصاته
وصات مخلوقن يعرف القوانين .. ما فات عمره بالجهل و الهياته
يا عبيد انا اوصيك مني بـ ثنتين .. ثنتين هن سوء البشر و حسناته
اوصيك لا تبحث سدود المغيبين .. ولا تجهر اللي غارقن بغفلاته
ترى النميمه تمحق الرزق و الدين .. و المنزل العالي تهدم اطبقاته
لا تحسب ان اهل الظليمة بخيتين .. كلن يوافق ما عمل في وفاته
وانذرك عن حق الضعيف المسيكين .. اللي على حقه يهل اعبراته
ترى الضعيف اليا غدى الليل ليلين .. يدعي و عند الله توافق ادعاته
الظلم فان الظلم يفني السلاطين .. يا ويل راعي الظلم من مقبلاته
وانذرك عن ربعة رخومن هياسين .. اللي سوالفهم بـ ودهـ و هاته
يا عبيد الاقشر لو صفا لك نهارين .. نهار ثالث جاك يرفع قناته
والله عندي ربعة الناس الاقصين .. ولا صديقن يبلشك في حياته
ترى الرجال ابهم فهود و حياوين .. جاك الكلام اللي صحيحن ثباته
ان كان ما تدري ترى الناس دراين .. الرجل مدحه بـ المجالس طراته
رجلن تعلق به رجالن مسمين .. عز الرفيق و لابته و الحماته
و رجلن تشوفه جسم و عيون و يدين.. و لولا الشعر ما تفرقه من خواته
كم واحد بـ البيت يضرب بـ سيفين .. و ان جاء حزم كلاب قبع عباته
والحلم عند الغيض ينحى الشياطين .. يكفيك شر ابليس هو و دحراته

https://www.youtube.com/watch?v=RzCkuTZVixI

[حـــــارب]

صح السان الشاعر مرشد البذال وصح ذوووووقك مليار ياشيخ البراري

حكم ونصااااااائح جميله جداااا

لاعدمناااااااااااااااااااااااك
اخوك عناد

[برق العارض]

قصيده ونصائح جميله , بارك الله فيك

[أحمد الحربي]

شكرا لمروركم

[سراب]

ماشاء الله عليك اخوي احمد وش هالحضور المميز
اختيارات موفقة وحياك الله امتعتنا بجد

[كمال البدور]

صح لسانك ولسان الشاعر
اشكرك اخي الفاضل
ابيات في قمة الروعه

[أحمد الحربي]

يعطيكم العافيه على تشريفكم الموضوع

[مقطع العروق]

ابيات جميلة جدداا

يعطيك العافية