من مطبخي .. ملوخية بالدجاج مع الرز الابيض -- طريقة شموع

[سراب]

ملوخية بالدجاج

هذي اكلتي المفضلة


المكونات


- دجاجة مقطعة 8 قطع
-6 فصوص ثوم
- مكعبين ماجي + بزار + فلفل اسود
- احب الملوخية المجمدة ماركة زينة والا امريكانا والا مونتانا هم احسن شي
-واللي يحبون الطازجة طبعا نخرط الورق من السيقان ونغسله بمصفاة على ماء جاري لين ينظف تمام ونحطه بالخلاط مع شوية ماء ونخلطة مو كثير لين نحس انه ناعم وسط

- نحتاج مع هالطبخة رز ابيض
-واللي يحبون السلطة افضل سلطة معاها
سلطة الملفوف الابيض مع الجزر بالمايونيز وشوية سكر
- ونحتاج نسوي زبيب ( كشمش) زي ماعلمتكم الطريقة


طريقة عمل الملوخية

- بالقدر نحط زيت ونقلي الدجاج لين يتشقر ونصفيه من الزيت ونحط زيت نظيف شوية

- نخلط بالخلاط الكهربائي ( مكعبين ماجي + بزار + فلفل اسود + 3 فصوص ثوم + نص كوب ماء )

- نحط الخلطة على الدجاج ونتركها على نار هادية لين يبدأ ينشف

- نحط ماء مغلي على الدجاج لين يتغطى واول ما يبدأ بالطبخ نحط عليه حبتين لومي اسود حب كامل بس نفتحها شوي بالسكين ونرفع النار

- وبعد ثلث ساعة نحط الملوخية ونخفض النار شوي بس لين تتجانس الملوخية مع الدجاج ونقلبها بخفة علشان ما يتنتف الدجاج

- نخليها لين تثقل الملوخية وقبل لانطفي عنها النار نكون جهزنا الطشة

- الطشة عبارة عن 3 فصوص ثوم مدقوقة ونحمرها بشوية زيت طبخ واول ما تشقر نحطها بسررررعة على الملوخية وبعد دقيقتين نطفي النار على الملوخية ونخلي القدر مغطى لحين التقديم

- نحط الرز بالصحن ونحط عليه الزبيب ونطلع الدجاج من الملوخية ونحطها فوق الرز ونخلي
مرق الملوخية بصحن ثاني

واللي ما يحب الرز مع الملوخية ممكن ياكلها مع الخبز لذيذة مرررة
واللي ما يحبون الثوم كثير ممكن مايسوون الطشة ويكتفون ب 4 فصوص ثوم ببداية الطبخة


المهم هذا غداكم وعليكم بالعافية

[مغامر]

[/CENTER][/QUOTE]


يا سلام عليك يا شموع الليل

عاد كلش إلا الملوخية تبيلها كلام ثاني
أنا من محبي الملوخية وبعد سمعت أن لها فوائد كثير
صراحة لونها يدل على أنها غير
الله يعطيك العافية

[سراب]

صحة وعافية عليك اخوي مغامر انا عرفت انك تحبها ونزلتها علشان تتعرف على طريقتها طبعا ماني بساحرة بس شفت ردك بموضوع اكلتك المفضلة

[خالد الشمري]

شغل وذوق لايختلف عليه اثنان

يعطيكِ العافية وبالعافية عليكم

[ابو طلال الفيفي]

ماشاء الله تبارك الله
لا لا لا مااقدر اقوام ..
سبحان الله الملوخية لها سر خاص مع الكبسه
طريقه جميله واكلة شهيه ..
تسلم الايادي اختي الفاضله شموع الليل

[أميرة البراري]

ياللــهـ عليك ياشمــــوع وش هالزين وش هالحركات

ملوخيـــــهـ ولاأرووووع

من جد تسلم يمينكـ يالغــلا

بارك الله فيك

ودي + تقييمي

[كمال البدور]

ما شاء الله
اكلة الملوخية من الاكلات المحببه على قلبي
وسبق ان نزلت موضوع بها منذ فترة طويله

اشكرك شموع وبارك الله فيكي وفي طبخك المميز

[فراس]

شكراااااا ع الطبخه

[بلاحدود]

اكلة طيبة وكثيرا ما ناكلها في البيت

مشكورين وجزاكم الله كل خير

[كمال البدور]

[SIZE="6"][COLOR="Red"]هذا صورة عشاء عملته لاصدقائي في بيتي
طبعا" العشاء ملوخية حسب طلبهم