(((( الحب ماتآآآآآآآآب ))))

[هات العلوم]

المشاركة الأصلية كتبت بواسطة الذعذاع

بسم الله الرحمن الرحيم

السلام عليكم ورحمة الله وبركاته

قصيده من جديد قلمي المتواااااضع
اتمنى ان تحوووز على رضاااااكم





من سالف الاعوام والحب ماتاب
ينهب عقول العاشقين بغرابه

عمره جديد يشيب الوقت ماشاب
حلو الطعم للي تذوق شرابه

امس الضحى من فوق ضلعان وهضاب
اشرف واناظر للفضا والرحابه

واقول في نفسي وانا فوق منشاب
صعب نزوله مخطر (ن ) في نشابه

عذبتني ياصاحبي مالك كتاب
افهم كلامه واحترس من عذابه

وامسى علي الليل في فكر واحساب
والنجم والقمرا وذيب عوابه

وقعدت اهوجس وابني القاف منصاب
على عشير (ن) فج قلبي صوابه

ابو عيون رمشها كنه حراب
حور نواعس والبلا من حجابه

وشفايف حمر بها سكره ذاب
لو ذاقه الشايب رجع له شبابه

من يحصي اوصافه انا اقول كذاب
ماينحصي وصف الحلا لا ولابه

لابه شبيه اقدر اقول له جاب
تحفه فريده ماعليها كتابه

ياصاحبي يكفي عسى مالك اصحاب
غيري تشوفه بين كل القرابه

هذي مكاتيبي يابو رمش معطاب
يكفي سكوتك ياهوى البال جابه
وسلامتكم
الذعذاع

وامسى علي الليل في فكر واحساب
والنجم والقمرا وذيب عوابه

وقعدت اهوجس وابني القاف منصاب
على عشير (ن) فج قلبي صوابه
وفي الحقيقة كل بيت أجمل من الثاني .
صح لسانك والله يعطيك العافية