رسالة

[حامد الجحدلي]

اكتب رسالة حبرها دمعـة العيـن

دمعه زمـان الهـم منـي سلبهـا

دمعه بلون الدم واسبابهـا البيـن

تشرح ضروف المغرم اللي كتبهـا

وترسم معاني بين امسي وذا الحيـن

وتنقـش علـى صـدرالطبيعه عتبـهـا

وتبني جسورالماي بين الحجاجين

وتعبر على متن الرموش وهدبهـا

صرخة عذاب وتزدحم في الضلاعين

بين الأماني يـوم وقتـي غصبهـا

ريـح تكسـر يانعـات البساتيـن

نـار تأجـج مـادة السـن لهبهـا

هذي رسالة تقطر احـزان لا ويـن

احمل على كف الجـروح وسببهـا

ارسلتها للشمس صـوت الشقييـن

عسى تكف سمومها عـن عربها

لا ياينابـيـع الـوفـا لاتجفـيـن

لا يموت ريحان الـدروب وعنبهـا

ملاحظة/ ارجو تنسيق القصيده لوجود مشكلة في تنسيق القصيده في الصندوق