تولعت مع مزيونتن حبهـا فـي الجـوف=

[العمده فيحان]

وين أغديك ياقلبن مع اهل الهوى مشعوف=
وراك تعاصانـي والمحـبـه تطاوعـهـا
تولعت مع مزيونتن حبهـا فـي الجـوف=
ولاعـة مولـع مـن غـلاهـا يتابعـهـا
مع اللي بها من كل وصف الجمال أوصوف=
جمالـن مـن الاقـدام لاحـد مفرعـهـا
بها وصف من وصف النعام العفيف العوف=
وتمتـاز عـن طبـع النعـام أبطبايعهـا
جمال الطبيعه قرة العيـن نـور الشـوف=
محبـة هـوى نفسـي وزينـة مطامعهـا
أسلم عليهـا كـل ساعـه بـلا معـروف=
واعـود عليهـا كـل ساعـه ووادعـهـا
على خدها الأيمن كتابـت قلـم وحـروف=
وعلـى خدهـا الأيسـرحـلاوة تدلعـهـا
مداهيلها في الوادي اللـي نخلـه أوقـوف=
وتحـب البـلاد وهـي زينـة مزارعهـا
مشت يوم شمروخ النخل بالزهوا منصوف=
تمشي بأتجاه الشمس من صوب مطلعهـا
تقصر أخطاها كنهـا هايبـه مـن خـوف=
تخاف الحصى يثر علـى روس أصابعهـا
أبا اشكي هواها اللي عسف قلبي المعسوف=
بعد مابعدت عني وانـا أزريـت أقاطعهـا
وانا مادريت أن المحبه وراهـا أضـروف=
لـكـن المحـبـه ذوقتـنـي لقايعـهـا

الشاعر فيحان عسل البقمي

[المــــــوال]

يعطيك العافيه أخوي فيحان العمدة

صح لسانك ولسان الشاعر

وننتظر مشاركاتك القادمة

المـــــــــــــوال

[الغربي]

ياسلام ياسلام

قصيده رائعه وجزله

وانا اجيزك

وفالك المليون

ومافيك حيله

وفالك التوفيق


ولاتحرمنا من هالقصايد يالغالي

[معدي المرقاب]

أسلم عليهـا كـل ساعـه بـلا معـروف=
واعـود عليهـا كـل ساعـه ووادعـهـا

بيض الله وجهك يالعمده

قصيد اكثر من رائعه في معانيها

[العمده فيحان]

مشكورين على المرور

علماً أن معشوقتي هي البل