قصيدة رائعة

[ابو فراس]

السلام عليكم ورحمة الله وبركاته

قصيدة جازت لي للموعضة التي فيها
يا صاحبي لا تزعجك دمعة العين === بعض الدموع تعقّب للقلب راحه

اليا نزلت من ضيقةٍ فالشراييـن === يعود للقلب الحزيـن انشراحـه

بلاك من دمعٍ محدّر على ويـن === ماله بساحات الرجولـه مساحـه

ما يطرح دموع الرجل غير ثنتين === ثنتيـن فيهـن دمعتـه مستباحـه

الاوله لا من غـدا الليـل ليليـن === في ساعةٍ كلٍ هجع في مراحـه

لا فز من نومه زبـون الامرّيـن === واعلن مع الرحمن ساعة صراحه

عدّه سجين وقصّته عقب يوميـن === لكن سبقْه العفو واطلِق سراحـه

والثانيه لا فارق القلـب غاليـن === فرقا مهي فرقا السفر والسياحـه

فرقا الكفن والمقبـرة والمعزيـن === فرقا سؤال المغفـرة والاباحـه

في غيرهن يا صاحبي ريّح العين === واستنقص الدنيا وتـزداد راحـه