قصيدة اتحدى من يستطيع اضافة بيت واحدلها !!!!

[أبو منير السبيعي]

هلا بكم اخواني وخواتي الاعضاء

اول شي اصبحكم بالف خير وعافيه يالوجيه المسافير

ثاني شي هذي قصيدة قديمه من باب محاولة شحذ الهمم !!
تحدي من يكمل ولو بيت واحد

مع اني على يقين
بان لا يستطيع اي احد الاضافة بشرط ان لا يكسر في وزن او قافيه او الاخلال بهما ( اي ان يكون الصدر منتهي بحف الياء واللام والعجز ينتهي بحرف الالف والفاء واللام ))

واترك لكم القصيدة مع التحية
واتمنى ان تنال اعجابكم
كما يشرفني مرور وتعليقات الاعضاء والعضوات الغير الشعار ايضا،،،،،،

اقفت كما برق(ن) سرا في سواد الليل

ولا تحققت عيني من الظبيه الجافـل

وفزّت من المحوا وتسبق سبوق الخيل

وبنت المها تسبق وتاريخهـا حافـل

ولا جيتها قانـص ولا ادور التعليـل

ولاادري بها الا يوم هجت ونا غافل

تقود الجوازي يتبعنها وسرب العيـل

رشيقة لطيفة تفتح القلـب لـو قافـل

عنيدة خجولة تنحني بلخفـا وتميـل

ولا تنقنص للخاين الماكـر السافـل

رسوم الدموع بخدها مثل مجرا السيل

وتبكي محاجر عينها رمشها الهافـل

لها وجه يخجل نور بدر السما وسهيل

وغطّا على الزهرة غـدا نورهاآفـل

ولو دفّلت في البحر يرجع بطعم النيل

تعالج ملوحة بحر من ثغرها الدافـل

جميله وزوّدها كثير الحيـاء تجميـل

لوشافها مطوّع نسي الفرض والنافـل

ويالله عسا ما هي حليلة ردي الحيـل

وتمسي بداره ويصبـح لهـا كافـل