ألا ليت الزمن يرجع ورا ولاّ الليالـي تـدور
ويرجع وقتنا الأول وننعـم فـي بساطتنـا
زمان اول احس انه زمان فيه صدق شعـور
نحب ونخلـص النيـة وتجمعنـا محبتنـا
زمان مافيه لاغيبه ولا حتـى نفـاق وزور
ياليتـه بـس يرجـع ونسترجـع طفولتنـا
صغار قلوبنا بيضه نعيش بعالـم محصـور
ولا نعرف ابد اغراب ماغير عيـال حارتنـا
صحيح صغار في التفكير لكن ماعلينا قصور
نخطط نكسـر اللعبـة وتسعدنـا شقاوتنـا
نروح المدرسه بدري ونضحك داخل الطابور
نحاول نزعج العالم فـي روحتنـا وجيتنـا
وعشان نأخرالحصة نخبي علبة الطبشـور
نشاغب بس فـي الآخـر تميزنـا برائتنـا
نحب الضحك والهيصة نحب ننط فوق السور
نفرفش ليه مانفرفش مادام الضحك عادتنـا
ولكن دارت الايام وبان الخافـي المستـور
وصار الهم متعلـي علـى قمـة سعادتنـا
كبرنا وصارت الدنيا تصف أحزانـا بالـدور
وتهدينا الألم والهم غصب عن عين رغبتنـا
تعبنا من بلاوينا احد ضايق وأحـد مقهـور
وكلن غارق بهمـه وفـي الآخـر تشتتنـا
وأنا ماقول غير ألا ياليت ان الزمـن يـدور
ويرجع للورا فترة نعـدل وضـع عيشتنـا
اختياري
2007-04-22, 06:06 PM
عيال حارتنا
العرض الشجري