أنــا مـاشـوف احــد ســواك الأمـيــره.......

[ام العنود]

بـسـم الـلـه الـرحـمـن الـرحـيــم ..
صـبـاح / مـسـاء .. الـخـيـر ..

الـشـارع الـلـي فـيـه نــاس ومـمــرات
ماهـمـنـي مـــن أولـــه مــــن أخــيــره

لــو كــان بــه شيـخـات وإلا أمـيـرات
أنــا مـاشـوف احــد ســواك الأمـيــره

بــيـــن الـسـعـوديــات والأجـنـبــيــات
مالله خـلـق لــك بالوصـايـف خشـيـره

بالـزيـن حطـمـتـي جـمـيـع الـعـلامـات
عنقاء .. غنوجه .. مستعفه .. صغيره

قدك رشف مـن غايـة الزيـن رشفـات
لاانـتــي طـويـلـه حـيــل ولاقـصـيــره

ياابعد من الهقوات واقـرب مـن الـذات
واصدق من احساس العشيـر لعشيـره

ياسـالـفـة مـــالا بـديـنــا ومــــا فــــات
ويـاعـشـق ابـــن شـــداد وابـونـويــره

تفـتـحـي عـلــى ضـفــاف الـبـحـيـرات
وتـنـقـلـي فـيــهــن بـحــيــره بـحــيــره

كـونـي كــذا عـلـى صـــدور البـنـيـات
كتمت نفس .. كونـي كـذا .. ياخطيـره

انـتـي حـسـب ماروجـتـه الإشـاعــات
مـخـلـوقـةٍ لاجــــل يـمـوتــون غــيــره

أسـعـد مـسـاءٍ بـيــن كـــل الـمـسـاءآت
تعريضـتـك مـثـل الـمـهـا المسـتـذيـره

يـالـلــي عـلـيــك تــحــدد الأولــويــات
مغـيـث مــات مــن الـجـفـاء يـابـريـره

ابـسـألـك يـــاام الـعـيـون الـوسـيـعـات
الـلـي تـولـع فـيـك وش هــو مصـيـره

تعبـت وانـا اطـوي علـيـك المسـافـات
وويلاه مـن بعـض الـدروب العسيـره

خوذي هواي بصمت وآخذك بسكـات
وتفائلـي بالصـمـت والصـمـت خـيـره

للشاعر المبدع ياسر التويجري