معانات زوجه فاقده زوجها من جديدي

[عبدالمحسن الرحمه]

زمان لآه والضيقة جبرني أرقى فوق صخور
أردد صوتي العالي على فرقى حبيب الروح
حبيبي من يسليني بعد غيبتك يا منصور
يطيعك قلبك القاسي تناسى من تجر النوح
أجر النوح ودموعي على خدي غدا منثور
كفوفي هي مناديلي أمسح دمعي المنضوح
مضالك يا بعد عمري من فراقك ثلاث شهور
أسامر مرها القاسي تشقي قلبي المجروح
رعيت الحب بحضاني سقيته بالوفاء مغمور
بعد صدك ذبل زهره تبي قربك غلاة الروح
عذابي لأبدا ليلي أواسي خافقي المقهور
أدني دفتري واكتب خواطر حزنها مفضوح
ألا ياليتني أقدر أحلق بالسماء عصفور
أدور من أسر قلبي وخلاني بلا مصلوح
تركني في بحر حبه أجدف في أمل مكسور
لفاني الليل في بحره غدا ذاك الأمل مذبوح
معاناتي تزايد بي عجز عن وصفها الدكتور
ملامح ضيمها واضح بوجهي باين ٍ بوضوح
صفعني بعدك القاسي غديت بعالمك مقبور
تراب القبر أضلوعي وأنا في داخله مسدوح
لاجيت البيت من بعدك أناظر غترتك وعطور
وثوبك يا غلا الدنيا يضمه حزنك المشروح
هذاك المجلس الواسع يذكرني بصدق شعور
سواليفك وضحكاتك ورسمة وجهك المملوح
غرف بيتك يداعبها ظلام ٍ بالأسى مغمور
بعد غيبتك يا عمري تغنابه حمام الدوح
يرن بمسمعي يومك تناديني حياتي( حور)
تعالي يا غلا الدنيا نسامر وقتنا بمزوح
عذابي من طواريكم على قلبي كما التنور
يفوح بواهجه فيني يزلزل عاليات صروح
صلاتي ما أديها بقلب ٍ خاشع ٍ محظور
ماغير أقرا ولا أدري قريت الحمد ولا نوح
تجلا ذكرك الغالي مثل موسى بجال الطور
تجلا له عظيم الشان غدا موسى جسد مطروح
غمامة بعدك القاسي تزايد وبلها الممطور
تحن رعودها يرجف خفوقي والرجاء منزوح
ألا يا غايب ٍ عني ترفق ورحم المكسور
أبي منك ولو لحظه تسلى وحشتي وتروح
حرام انك تخليني وتنسى ماضي ٍ مسرو
طيوفه تسري بدمي وذكره في سماي تلوح
بعزي ياحياتي فيك حواس الخمس يامنصور
واعزي دمعتي والروح بعدك ياحياتي تنوح
دروبي يا غلا الدنيا بعدكم فاقده النور
ظلام دايم ٍ فيها من الفرحة غدا ممسوح
رسمت بدمعتي حرفك حفظته في صفا البلور
أببقى وانتظر جيك ألين الله يسل الروح
لهيب الشوق يا كوده غديت بعالمه مأسور
ذبحني وندهش فكري وخلا روحي دوم تفوح
ركبت مهرة أحلامي دروبه هجرك المذعور
لاجيت أقرب من وصالك دفعني واهجك ملفوح

حرر في 25 / 8 /1431 ه