يا منادي جاك تغريد الطيور

[مخلب طير]

( يا منادي )


يا مـنادي جاك تغريد الطـيـور ...... في دجا ليـل" بهيـم" سرمـدي

أعــذره لا مـن تهيـــا للعبــــور ..... مع سنا برقه سحاب" يرعدي

مستكن" ماطره وسط الصـدور .... يسقي الضلع المحل الجرهدي

ينبت الورد الموشح بالعطــور ...... منزله ضلعي و عرقه في يدي

أجمع حروف الغلا بين السطور ..... واعتبر شخصك حبيبي و بعدي

الليالي تسهرك لين الفجـــــور ..... والصباح يفوح بالحب النـــــدي

الغلا بالقلب لا يمــكن يبـــــور ..... دامك المعني و دامك مبــــتدي

قدرك الغالي تمدد له جـــــذور .... وشوفتك عندي ربيعي وسعدي

كم عطاك الله من حسن" و نور .... تارك لغيرك من الوصف الردي

مدلهم" فارع" ذرب" غيـــــور .... عنـدك الدنـيا بســاط" أحمـــــدي

جابك اللي خالق" سبع البحور ..... بين طيات الزمـان الأجـــــودي

تحتمي به وانت في عمرالزهور ... ليت عينك يم قلـبي تهـــــــــتدي


سعد المسعود ( مخلب طير )