وأطلبك ياعالم الغيب تيســـــــير الأمور
ســـــــاجد ٍ لك في صلاتي وعيني ماتراك
وأنت ياربي تعلم الخفايا بالصــــــــــــــدور
من يطيعك في حياته ويمشــي في رضاك
توعـــــــــــدة في جنت ٍ كلها ورد وزهور
ومن نساك وطاوع بليس وأغواه وعصاك
توعده بالنار والضيق في وســـــط القبور
والحـــديث يــــقول لاحــــــــبك الله ابتلاك
وعادت المســــــلم على ماقسم ربه صبور
والســــــــــنين تدور والعمـر يقفاة الهلاك
مايدوم العز لأهل العماير والقصـــــــــــور
لا إلاة الاّ أنت يارب مايعبــد ســــــــــــواك
تغفر الزلات والذنب وتكافي الشـــــــرور
لاعطاً ينبت زهـــــــور الخزاما الاّ عطــاك
لانشــــــاء من يمّت الغرب ومزونه حدور
يامغيث تغيث جرد الصحـــاري حلو مــاك
لين يــرون الفياض ويفيض ٍ الحــــــــفور
أوله من دخلة الوســـم وأســطه الســماك
وأمطره من غيبت الشمس لاوقت السحور
سيـــل وســـم ٍ ينبت القاع والارض الدكاك
ينقع المــــــــاء بالمحاجر وياخذلة شهور
وتشتبك جرد الصحاري من العشب أشتباك
والخـــــــزاما في زهرها مثل ريح العطور
والنفل لافا ح ريـــــــحه عن الـــزاد يهجاك
يبهج الخــاطر ويدخل على القلب السرور
كل حـاجر روض لاجيت به تقصــــر خطاك
من حــــــــلاته فيه مايزعجك غير الطيور
هي طــــــــــرات العمر والعمر يقفاة الهلاك
ولايــــــــدوم العز لأهل الدراهم والقصور
الشاعر /سعد بن هويضل السهلي
2010-07-05, 11:09 AM
مايدوم العز لاهل الدراهم والقصور
العرض الشجري