يوم شفت البروووووق اللي تكاشف شمال

[الذعذاع]

بسم الله الرحمن الرحيم
السلام عليكم ورحمة الله وبركاته

قصيده للشاعر المميز / حمد السعيد

يوم شفت البروق الي تكاشف شمال
قلت يالجيب مالك بالمدينه قعادي

فرويلك وانا بادرجك بالعدال
شيل هم الحراره دام جوك برادي

لك ليالي وانا الي حافظك بالظلال
ذاخرك للدروب الي وراها مرادي

عقب قيض طويل فوق كل احتمال
كني الي مقيد فك عني القيادي

ودي اضرب فياض ودي ارقاء تلال
واتمثنا شغيه واتحدر بوادي

ودي اشب نار من فروع جزال
نار واهج سناها جاذب كل غادي

جمرها لا احتظن وبصمت صفر الدلال
كنها الغشمريه اليا احتظنها فؤادي

امس كله مطر واليوم بين هلال
إستصحت ونجم سهيل كنه منادي

والهواى ساكنه ما غير هقوة شمال
نسمة من جداها ما يطير الرمادي

كن ريح المطر في خايعات الرمال
ريحت الطاري الي يحترمني رقادي

ودي الصبح لا من صفر مريح بال
لا جفينا الدفاء مع حس صوت المنادي

ركعتين مع التسبيح ويطيب فال
صايدين مع الله باذل الجهد بادي

قنصتن من طلوع الشمس لين الزوال
يا حلو بالمغدا لجتن للعنادي

ذاك ما هد طيره يم راي الجدال
صايدن والمواري فوق ريش الثنادي

وذاك جاب الكسيره مثل سلم الرجال
جابها للفروخ الي بتفعل وكادي

وذاك باشر دلاله والحطب له يشال
زين ريحة شبوب الرمث والجو هادي

والعصر مثلها يازين قولت تعال
شوفها درج للي ما حصله هدادي

قنصتن من حلاها تونس الهم زال
بين خوة نشامى يذهبون النكادي

والله انك بهذي ما تعد الليال
لا تخالط بياض الجلد ويا السوادي

والله اني على هذي جفيت ام العيال
لو يطول البطى ما دام به صيد عادي

من يلوم المولع لو يسوق الريال
لذت العمر طرباته وبتبع مرادي

وسلامتكم