ابيات عن الراتب قبل يوم 25.. تعال واقراء المعاناة

[ابو حمد]

هذه معلقة الراتب
قراتها وسمعتها ايضاً وحبيت تشاركوني فيها

مانـي متابع للسيـاسة والأخبــار
.................ولا همـني فوزأوباما وفوز ماكـــيـن
ولا همني وش قال حسني لبشار
.................وما همني لو زادوا الهند والصين
وما همني لو سوق الأموال ينهار
.................وماهمني ان كسبوا او خسروا ملايـين
ماهمني الا راتبي ذا الشهر طــار
.................كله صرفته قبل يوم خمسة وعشرين
بعثرت مدخولي على يمين ويسـار
.................وقعدت وعيالـي نصفّـق بـكفــين
1300 عـلـى طـــول فــ إيــجــــار
.................و400 مصروف جوال في زين
و 1100 راحت في شــركـــة إعـــمــار
.................قرض ٍ أخذته وشفطـوه الشياطين
و1100 تجديد وأتعـاب سـمــسار
.................عندي استمارة مطوفة حول عامين
و400 فــاتــورة المــاء والأنـوار
.................حـتـى ولـو كـنّـا للأنــوار مـطـفـيـن
وأمــا 800 بـســوي بها الــكــار
.................سـيارة ٍ جـربـا ثــلاث وثــمـانـيــن
لا شـمـة الراتـب يجـيها كـما الزار
.................تنـفض مكيـنتها كما نـفض بوكليـــن
وام العيال تـصـيح يا زوجي البار
.................هذا الشهر عندي في القصر عرسين
احتاج انا فستان من عشرة امتـار
.................وأفصـله يا فـالح الـراي بـألفــــيـــن
وأخرى مئة بتروح في جيب كومار
.................الحارس الهندي عسى فـاله الشـيـن
ويقـول ما تـكفـيـه للفـلفـل الحــار
.................زعلان يبغى فوقها زود خـمســـيــن
وزادت معانـاتـي مع زود الأسـعار
.................أصبح مثل ما قيل طاق ٍ بطاقـيــــن
أزمة مسـويها مــداهن وتــجـــــار
.................وراحوا ضحيتها الضعوف المساكين
منـحاش من نـار ٍ وطـبيـت في نار
.................ويا ويله اللي وقــع بيـن نـاريـن
وإن الجمل صابر على الضيم صبّار
.................وان طاح تكثر في جنوبه سكاكـين

وســـــــــــــــــــــلامتكم

ابو حمد،،