البارحه عيني عن النوم ساهره

[الذعذاع]

بسم الله الرحمن الرحيم
السلام عليكم ورحمة الله وبركاته

الله لا يهينكم
يشرفني مروركم الكريم على القصيده وانا ماني بشاعر أبغا أشوف إنطباعكم عن القصيده ونقدكم لها واللي ما يستفيد من النقد ويتقبله ما هو شاعر





البارحه عيني عن النوم ساهره @@@ من هاجس بالصدر زادت معايره
دك الضلوع العوج من قو باسه @@@ لين إن موق العين ساحت عبايره
أناظر الدنيا واتدبر وافتكر @@@ وأقول ما تخلص على الكل بايره
كم واحد فيها لقا العز وإشتهر@@@ ويوم إنها زانت ولا الموت دايره
ياجاهل بفعولها خذ نصيحتي @@@ ترى النصايح في دجا الليل نايره
نصيحة مجرب ولا هوبشايب @@@ توه شباب وكل دنياه ثايره
لا تامن الدنيا تراها دنيه @@@ مندوبها لا تامنه مع بشايره
تفتح لك أبواب كبار قفولها @@@ وليا دخلت تجرعك من مرايره
يالله يالمعبود يارب طالبك @@@ ياللي لك الحجاج فالبيت زايره
إنك تغفر ذنوبي اللي ارتكبتها @@@ كل الذنوب صغارها مع كبايره
طالبك ياربي ويا رب الملا @@@ يا واحد مافيه شي يسايره
إنك تبدلها بحسنات كثرها @@@ وتدخلني الجنه بعالي سرايره
وصلاة ربي عد ما ذعذع الهوا @@@ على محمد عد ماطيور طايره