قصيدة : جيت المكان اللي بوسطة تربيت

[الصلبوخي]

بسم الله الرحمن الرحيم ..

السلام عليكم ورحمة الله وبركاته ..

هذه قصيدة لمنيرة الثابتي ..:

وبصوت المنشد الرائع حامد الضبعان


جيت المكان اللي بوسطه تربيت *** بيت قديم مأسسينه من الطين

بأطراف ذاك البيت بالفكر سجيت *** ذكرت وقت ماضي لي من سنين

قمت أنثر العبرة من الدمع هليت *** ضيقة بصدري رافقت دمعة العين

تبقى بك الذكرى ولو رحت واقفيت* ** ابكي على الاطلال لو ما بقى شين

باقي بك أشياء ذكرتني وحنيت *** الزير وفراشي وبعض المواعين

واذكر سراج كان يضوي لنا البيت *** على سنا ضوه نلف الميادين

ياكم ليلة عشت فيك وتهنيت *** ياكم مضى لي بك من العسر واللين

يا بيت ياللي في خفوقي تعليت *** اليوم باركانك تنام الثعابين

ليتني أعيد اللي مضى واسكنك ليت *** لولا الظروف وقسوة الوقت هالحين

ما أنساك مهما غير اليوم سويت *** مهما ملكت من الفلل والملايين


لحفظ القصيدة الصوتية

لسماع القصيدة من هنا

ان شاء الله تعجبكم