الصيف جا وقته بحسبه وميعاد

[الركام]

الصيف جا وقته بحسبه وميعاد

بـنيـــت أنا قافي عـلى قاف مــن جـــاد ===( ذيب ) يصـيغ من المعاني جــدادي

الصيـف جا وقتـه بحســـبة و ميـعـــاد === ياالله ترحــــمــنا بيــــوم التــنـــادي

كل شكى مـن شــدة الحــر وش عـــاد === وش عـــاد ينــفــع قـدر الله وارادي

غـاب السـحـاب وغــاب برق ورعــاد === وبدت سموم القيض تشوي الفوادي

واصـفر لون العشـب مـاعـنه نـشـــاد === في هــضــابــهــا والاعـلى كل وادي

يامـا ســهــرنا الليل والنـجـــم وقـــاد === نرقب ظـهور سـهيـل يبدي البــرادي

والصيـف فيـه الناس ماهــيب تنـقــاد === تـقـــلب نــهــاره ليل طــوله رقــادي

احـد جــلس تحــت المـكيـف ولافـــاد === واحــد ذهــب وجـهة مصــايف بلادي

واللي مــعــه قــدرة ولا هـو بـنشــاد === يروح صــــوب ديـار قـــوم بعـــــادي

والصقر ليمن صـيف الوقت ماصـاد === يوضـع بسـجن مثل سـجن انفــــرادي

والله خـلق حــر وبرد عــلى مـــراد === ناس تـشكى وناس الوضــع عـــــادي

واعرف ترى حضــك ولوزان ثم زاد=== يا سرع ما تقــرب لـوقت الحصـــادي

هذي سـنين العـمـر ماعـاد تنــعـــاد === والوقـــت فيه الزيـن والشـــين بـادي

وختامها صلوا على خيـر من قــــاد === مـــحـــمـــد اللي قــــادنــا لرشــــادي

الركام