محاورة مع الضب

[ابن علي]

يتحدثون كثيراً هذه الأيام عن نفوق الضبان بسبب الصيد الجائر
وهنا شاعرنا الكبير الأستاذ سليمان بن عبد العزيز الشريف يتوجه إلى الهيئة الوطنية لحماية الحياة الفطرية ويوجه رسالة إلى الشباب من هواة هذا النوع من الصيد بهذه القصيدة الفكاهية الهادفة..


لقيت لي ضب وحاولـت اصيـده = قلت اظهراغديـك رزوعصيـده
واسمعك من عقـب هذاقصيـده = لا شـك عيـا قـال مانيـب لله
قعدت انا وايـاه خذهـا وذقهـا = وفيوز صبري من عناده حرقهـا
والزهبة اللي في جرابي سرقهـا = قال انقلـع عظنـي مقفـاك يالله
اخذت حالي قلـت والله لا ربيـك = من عكرتك ياضب لازم اعريـك
لا تحسب ان الجحر عني يذريـك = خل المعاند عنـك ياضـب خلـه
قال انت وش بيني وبينك تبـلان = وتذكرن في قصة فـلان وفـلان
كم حاولوا قبلك وذاالراس مالان = ما اطيعك الا كان بالراس خلـه
قعدت افكر ساعة ويش اسـوي = واحترت ما ادري اينا اللي مهوي
والضب عني محتمـي ومتقـوي = يقول سيفك كـان تقـدر فسلـه
عز الله اني طحت لي في مطمـه = يالعنبو هالضب لا رحمـت امـه
قـام يتحدانـي ولانيـب يـمـه = اخطيت بهجومي عليـه بمحلـه
ياخوفتي من كثرة القيل والقـال = ياحيف كيف الضب عجز برجـال
ذاالسالفه يالربـع دايـم البـال = وش رايكم لو ننشـره بالمجلـه
بعض النفوس ان كان ربي هـدا = اعرفت خطاها وانهـت ماتعلـه
لعل بعض الناس يـدرك مداهـا = باذهانهم تبقـى يلعلـع صداهـا
ياصايد الضبان وش بك عليهـا = تركض وراهـا دايـم مبتليهـا
تبي اللحم ؟ عليك بولد بليهـان = اونجدي مثنى من الضـان تلـه
كم واحد راح بسبب صيد ضبـان = اما بلسعة عقرب او لدغ ثعبـان
او بالصحاري تاه ظامي وتعبـان = الماء قضى ولابـه احـد يدلـه
قام يتشهد يوم شرف على الموت = والموت حق ومالحي عنه فـوت
لا شك موت يشبه الموت كتكوت = باسباب ضب فيه غبـن ومذلـه
مامن وراء الضبان ياناس عيشه = خص اللي شحت عليها المعيشه
خلوا لها باقـي حياتـه تعيشـه = ولا تزيدونه علـى الطيـن بلـه


ولكم فائق إحترامي وتقديري