المتابعة اليومية لأخبار الطقس والتوقعات من ( 1 - 15 / 3 / 2017 م )

[Tornado Riyadh]

المشاركة الأصلية كتبت بواسطة هبوب الجنه

الله يستر ... هذيك كانت ترنيدو مو حاله طبيعيه ... كل شي تكسر ... فعلا كانت حاله خرافيه لم يسبق لها مثيل حتى وقتنا الحاضر

المشاركة الأصلية كتبت بواسطة صواعق نجد

الله يعيد ذيك الايام صحيح كانت حالة خرافية لم يسبق لي وقتها ولا حتى بعدها شفت مثلها
وقتها كنت (غليِّم) صغير سن مخلص المتوسطة ولا كملت ثانوي وابحث عن وظيفة بشكل يومي وذاك النهار جاي من مراجعة وتغديت وناوي انام ولا كان فيه شى يوحي ان فيه مطر جاي او حتى غيم وقبل ما يدخل عيني النوم الا اسمع صوت جلجلة متواصله يمكن الساعة 2 او 3 او قريب منها واناظر مع الشباك الا الجو مهوب الجو الي قبل شوي واطلع لسطح بشوف الصوت ايش، الصوت غريب سبحان الله،
الا سبحان الله السماء لونها اخضر لون السحاب ما عمري شفت مثله في حياتي لأقبل ولا حتى بعد والصوت الي اسمعه صوت الرعد منها رعد متواصل مثل الجلجلة مكتوم والبرق داخلها تقول كهرب ما يفصل يديرها من كل جهة وقفت أنأظر وانا مندهش من المشهد حتى بدات اول حبات البرد كبر الفناجيل ثم سمى الرحمن برد مع ماء هطول لم اشاهد مثله في حياتي والله ما ابالغ ان قلت اني وقتها توقعتها القيامة قامت من الخوف الي صابني
وبعدها كل سنة احتري مثلها ولا الله كتب وان شاء الله السنة هذه نشوف مثلها وأطيب
والمعذرة على المداخلة الطويلة لكن حبيت أوثق تلك الحالة

صحيح
تلك الحالة من أقوى وأعنف حالات مارس وأهل الرياض ماينسونها أبداا
لاحظ هنا صورة للسحابة ويتضح وهي قادمة ولونها أخضر ع يمين الصورة