ماضي السيره

[صبح المطر]

أرجوك لاعاد تطري ماضـي السيـره
بلاش تـجـرح شـعـوري لا تعادني
حبـك نسيتـه وظنـي خــاب تصـويـره
فقدت فيـك الأمـل .. لا عاد تفقـدنـي
الجرح يكبـر ويصعـب عقـب تفسيـره
خل المـواجـع تطـيـب .. ولا تجادلني
قــررت أسـافـر وأدور رحـلـة الـخـيـره
يكفي تعيد السوالف ! وأنت تخذلني
خلاص بأبعد وأمـزّع صفحـة الحيـره
وأحرق حروف القصايـد لـو تعاتبنـي
ذكــراك لـيـل الشـقـى والـهـم تعبـيـره
شف كيف كثر النجوم اللي تضايقنـي
جرحتـنـي .. لاتـحـاول قلـبـي تـثـيـره
جمّدت حـس ٍ بحـبـك كــان يسكـنـي
يمـوت نبـض الولـه فـي طـب تجبـيـره !!
ما عاد ينـفـع دواك الـيـوم يسقمـنـي
الـعـام حـبـك جـنـان وزيـنــه الـغـيـره
حرصك وقربك من الوجدان يسعدني
والـيـوم حلـمـي تـبـدد فــي مـعـاذيـره
صورة خيـالـك بليـلـي ما تسامرني
جفـن السـهـر ما تحمل لـيـل تبـريـره
الشوق ذبلت وروده .. وأنت تسألنـي



صبح المطر