لك رب مايخذلك لو يخلونك
ما راح من عمـــــــــــر التعـب مـا يكفّيـك ؟
ما هزتك طيحـــــة هقاويـك .. دونـك؟
يا "باعث" قبـور الحـزن فـي محــــــانيـك
لو مـا رجعـت لْدفنـــــهـا .. يدفنونـك
هذا الحزن لـو مانتهـى بــــــــــــك بينهيـك
خاوى تفاصيلك .. وعـــــــوّد بدونـك
شف شيبك اللي من همومـــــــك عثى فيـك
وكيف التجاعيد عْبثت فــــــي جفونـك
جسمك تهـاوى مـن عنـــــــــــــــاك وتعنّيـك
ونبـرات صوتـك غالبتهـا شجونـــــــك
لأْنك تنفسـت الشقـــــــــــــــــا فـي مساريـك
شف كيف صدرك مختنق من طعونـك
بعت المنـــــــــــــــام لعيـن مـن نـام ناسيـك
حتى غــــــدى ليـل السهـارى زبونـك
لا تنتظـر مـن خانـك إنــــــــــــــــه يواسيـك
لـو هـو يحبـك مـا تجـــــــرأ يخونـك !
قلبـك تعلّــــــــــــــــق فـي مخاليـق تشقـيـك
ونسيت حب الخـــالق اللـي يصونـك !
الناس في عونـك ، إذا الحـظ يعطــــــــيـك
وان شح حظــك؟ قالـوا: الله بعونـك!
ارقــــــــــى عـن أسبـاب الزعـل لا تخليـك
عبد لهمومـك كـل مـــــــا يزعلونـك !
دنياك حلوه .. لـو تلفّـت حــــــــــواليـك؟
تلقـى مـن بعـاد البشــــر ينصفونـك
لو شفتهـــــــا بعين الرضـا هـي تراضيـك
ولـو بالكدر ؟ مـا خالفتـك بظنونـك!
افرد جنــــــــــاحيـن الفـرح فـوق ماضيـك
حلّق عن الذكـــرى ومـن يجرحونـك
غيّر مـن الواقـع إذا كـــــــــــــان عاصيـك
جدد من الأحلام .. مـارس جنونـك!
ازرع فيافي الصــــــــدر بأخضـر طواريـك
الكون كله ساعـة رضـاك .. كونـك
الليل تسهـر مـع نجومـــــــــه .. تناجيـك
وتبـادر طيـور الصبــــ،ـاح بلحـونـك
بـث الجمــــــــــال بكـل رســـــــم لمعانيـك
خلّ الطبيعـه تاخـذ احسـاس لونــــك
خذ من خطاك اللي يصحـح خطاويـــــــــك
لاتشيـل مـا لا تستطيعـه متـونــــــك
وان ضقت.. أو ضاق الزمن؟ ارفع ايديك
لك رب ما يخذْلـك .. لـو يخذلونـك
2014-04-29, 12:47 AM
لك رب ما يخذالك لو يخذلونك ,
العرض الشجري