لا لا تدوّر عقب ما غبت لگ حِجّه ~

[تناهيد]

,,

لا لا تدوّر عقب ما غبت لگ حِجّه
ماتنفعِگ حجّتِِك وياي في حاجه

ارض المفارق ثراها ثار في عِجّـه
والغيم فيها يرش الضيق وازعاجه

الصد طعمه هماج وخاطري مجّه
ومن صد عني جفا ماجيت محتاجه

صحيح منگ الضلوع العوج منفجّه
لكن عرفت الدوا وش خلطه علاجه

بحاول ابعد عن ( التفكير بالسّجّه
واحاول اقرب من النسيان وسْياجة

اجلس مع اللي يحب الضحگ واللجّه
وابعد عن اللي شبيهگ عاقد احجاجه

مانيب ماشي على دربگ ومتوجّه
وكل يعوّد على دربه ومنهاجه

طبعگ تعوّد على الصدات و الهجه
وانا متعوّد على الصدمات بمواجه

حرب الابادة على الضلعين مرتجّه
وضلوع صدري بليا حرب منعاجه

وجنود شوقي على ماصار محتجّه
من قلت ناوي ادگ الشوق وابراجه

ودام العواطف نهايتها على الدجة
من قبل لا نبتعد بقول لك ( حاجة )

ماكل من راح مكه ناوى ( الحِجّه )
ولا كل زولٍ يغيب العين تحتاجه

,,