~•• حــس الآشــواق ••~

[تناهيد]

إضحك .. على وجه المسا " واستغله "
وارهقْه لي ماينكتم حس الاشواق ..

لاتروح لكن حط روحك محلّه ..
ودي تذوق ابقدر الامكان [ ماذاق ]

يمكن تحس ان ماضي الجرح .. عِلّه
والصبر عن بُعد المواليف حراق

كان الحكي مفضوح بالله خله
لاينرمي في سطح عينك والآفاق

ترى النظر من بُعد .. مثل المذلّه
ماتشوف قلبي أقبل الصد .. ماعاق !!

يلوع لكن جمر الاشواق تله
من يوم شعوذت المشاعر بالاوراق !

كنيتها لك صفحةٍ مستقلّة
وشعرٍ نتج عن سابق أتعاب وارهاق

القلب لك فنجال لو كنت دله
ماصبّت الا جرح مزمن وغرّاق

كن البشر في عالمك مضمحلّة
أو قُسّموا لشعوب وانساب واعراق

كثار لكن لا حضرت انت .. قِلّة
وياويل من فكر بعالمْك ينساق

خل المسا يضحك ولا تستغله
ياجعل به ماينكتم حس الاشواق ..

سالم المناعي