~ كل جرح من أسباب الهوى جرح رايق ~

[تناهيد]

كل جرح من أسباب الهوى جرح رايق
حشمة للحبيّب يوم رحّب وهــــلاّ

جيت له عقب غيبه عانيٍ ومتضايق
قال دوك المحبّه لعن أبو من تغـــلا

ما غفا مثل جفني عقب ماكان فايق
بين ليل بهيم وبين نور تجـــــــلا

صمت وافطرت تو بنايفات الشهايق
كبّر الخيط الأبيض قبل الأسود وصــلا

أذكر الله ولاحــــــدن يشبهه بالخلايق
غير خشف شدى بالروض وامّه تفلا

انثنى غض لاعاقه من السو عايق
مثل غصن على شط الغدير ايتدلا

كل وصـــف عليه إليا تمعنت لايـــــــق
ما وصفته بشئ وقلت وصفي تعلا

شاقني في وصــاله يالمحبين شايق
والله إنه يسلّي خاطر ما تســــــلا

كثر ماني شفوق لشوفته بالدقايـــــق
قمت خمسه ونص وجيت له سته إلا


الشاعر:
عبدالرحمن عادل الشمري