........... ترا غيابك بلغ عندي حدود النصاب ,,,,,,,,,,,

[بقآيآ .. حرف]

ان كان تبغى الحقيقه ماهقيت الغياب
يستدرجك لين تعرف دربه وتتبعه
،،
كنت اعتقد لو عرض سيفه على كل باب
ماهوب قاطعك وانت الي تبي تقطعه
،،
مدري شعوري خطا ولاّ غيابك صواب
والا اختصرنا الزمان وطاحت الاقنعه
،،
اكلني الشك وازريت اذبح الارتياب
والضيق عيّا يوريني طريق السعه
،،
في خاطري هرجتين وفي عيوني جواب
وصلت للمستحيل ولا قدرت اصنعه
،،
لا يابعد كل من سولف وودى وجاب
وين انت تقنع جدل فكر ٍ عجزت اقنعه
،،
تعال واصدق معي والصدق روح العتاب
والحب كفه و نبضه والشعور اصبعه
،،
كمّل جميلك و سلمني حروف الكتاب
اشرع عليك البحر ولاّ انسحب مااشرعه !؟
،،
وراك علقتني بين العطا والسراب
احيان اشوفك معي واحيان اشوفك معه
،،
قلبي غدى مثل ابو زيد .. وخيالي ذياب
وان مات ابوزيد ..ابن غانم لقى مصرعه
،،
واثنيهم يتبعونك بالجمل والزهاب
وانا على ساقتك واسمع صداي اسمعه
،،
ترا غيابك بلغ عندي حدود النصاب
اما انته ارجع معي ولاّ انت كمل معه

رآآقت لــــــــــي