دنيا تقلّب مالها تعريف ،، تضحِك يوم ، ويوم منها تصاب

[محمد المقاطي]

السلام عليكم ورحمة الله وبركاته
بويتات متواضعه عساها تشفع عن الغياب

الكيف خرْب وزل حل الكيف
من بعْد بارت سلعة الجلاب

والريف مجدب يانبات الريف
ياشيب عيني منك يالمجداب

ابطى مهبك ياهبوب الهيف
والراس يونس حرة المشهاب

اواه يا وقتٍ علينا مريف
اقفى ولكن صفحةٍ بكتاب

واليوم طالت نبرة التحريف
الصدق شح وربّع الكذاب

ناسٍ بوجهك تتقن التشريف
وهي بالقفا صوبك تحد الناب

جا للمشاعر والحقايق زيف
غابت واهلها قبلها غِيّاب

شفنا وعفنا وش بقى ماشيف
والراس شاب وسنّنا ماشاب

دنيا تقلّب مالها تعريف
تضحِك يوم ، ويوم منها تصاب

يفطن لها اللي فوق طود منيف
وابعد عن العقرب وجحر الداب

،
،