يا ذيب غض النظر يا ذيب ،،، فهد المفرج

[فهد المفرج]

[align=center]ياذيب غض النظر ياذيب..
لو كان ماصار مزعلنا ..
دنياك هذي تجيب الشيب..
ذقنا العذاب وتبهذلنا ..
مع منكرين الوفا والطيب ..
ياذيب ضاعت جمايلنا..
والله لو نعلمك يا الغيب..
ما كان معهم تجملنا..
شفنا البهاذيل و التعذيب..
ومع كل هذا تحملنا..
هقواتنا و الظنون تخيب..
و تضيع معها دلايلنا..
نرمي و بعض السهوم تصيب..
و العرف ما هوب جاهلنا..
بس المراجل لها خطّيب..
نبني عليها فعايلنا..
مجنبين الردى تجنيب..
وحنا على الله توكلنا..
نبعد عن الشك و اهل الريب..
و نواصل اللي يواصلنا..
اليا بغينا الردى و العيب..
عيّت علينا مراجلنا..
نطيب و نطيب ثم نطيب..
نطيب من طيب اوايلنا..

فهد المفرج[/align]