هذي قصيده
كتبها واحد متعقد من
المكياج تقول :
يا صانع
المكياج الله يجازيك
خليتني مخدوع في شكل خلي
الله يحرق مصنعك مع مبانيك
والمعرض الموجود في بيكاديلي
ادعي عسى تعمى وتنشل رجليك
هذا دعائي دوم لا جيت أصلي
خليتني اركض ورا البنت هاذيك
واشوفها أجمل غرام ٍ حصل لي
قلبي عشقها يا(جيفنشي) توماتيك
وان شافها قلبي يرحب يهلي
هي رحبت بي وقالت الله يحييك
وقالت هلا بلي عشق زين شكلي
وقالت أنا أجمل بنت في الي حواليك
شف حسني الأخاذ وروجي العسلّي
طالعتها ثم قلت هالقلب يبغيك
ومن شاف حسنك خلى غيرك يولي
ابغي اشوفك دون مكياج يكسيك
وابغي اشوفك بالجمال المحلي
قالت تبيني افرك الوجه تفريك
واشيل هالبودر وروجي وكحلي:
قلت أي نعم قومي عسى الروح تفديك
ابغي جمالك هالطبيعي يهلّي
قالت دقايق راجعه لك واراويك
ذاك الجمال الي لعينك يسلّي
ويوم رجعت لي شربكتني الشرابيك
وحسيت الأرض تدور وأنا بمحلي
الخد كنه يا(جيفنشي) سيراميك
والوجه مثل حولي
الوجه كنه بيت كله شبابيك
م هالحفر في وجهها الي يعلّي
كله سبب مكياجك الله يجازيك
خليتني مخدوع في شكل خلي
ونصيحتي لكل شاب من غير تشكيك
لا لا اتسرع ثم تنغش مثلي
الي بلا مكياج خلها حواليك
والي تحط مكياج ...خلها تولي
بواسطة /تركي
منقول من الملتقى
2012-12-09, 02:06 AM
قصيده لواحد متعقد من المكياج
العرض الشجري