الله فرق بين السفر والمظله=والصبح واضح والليالي لها ادماس

[خيّال]

[align=center]

السلام عليكم جميعاً
اخواني الاعزاء اقدم هالابيات من الارشيف
عسى ان تحوز على شي من الاعجاب

لاشفت من يقدم على الخير قله
انته كفو ياطيب القلب والساس

وقله ترى لك بين الاجواد مله
لك عندهم قيمه وحشمه ومجلاس

ومن حارب الطيب خبيث سجله
والا عمى مافتح العين والراس

والا خبل في عقله اسهوم عله
اسهوم طاغوت الشياطين به حاس

طاغوت جن او ناس خبث ٍ مغله
تشعل عوادين الفتن مثل مقباس

ومن طاوع الغادي بلته المذله
ومن طاوع الواعي عزيز ٍ على الناس

مابالحكي فود ٍ وخذها بسله
مثل والفواكه واختر الزين بقياس

انق وتنق الصالحه والمخله
واختر شهاوي نفسك اللي لها احساس

الله فرق بين السفر والمظله
والصبح واضح والليالي لها ادماس

الشاعر/خيّال

[/align]