إهداااااااء للأخ الغالــــــــــــــــــــــــــي ..... ( أبو طلال ) ....

[بقآيآ .. حرف]

البارحــــه وجــه السماء مـالاح بـه مثـــقـال نــور
يطلق ســــراح اغلى كـلام مـن الظــــلام ويعتـــقـه


من التعب دوّرت في صدري علـــى منفـــذ عبـور
احتجت امرر من خلاله..كبـــت ضيقـه وغلقـه

حاولت اشدازري وجف النبض من سبع البحور
مع كل قاف اركبّه .. في كـل طــــاروق اطـــرقـه

حزني على نفسي تفــــرّد بـي وتفكــــيـري يـــدور
في دايره.. والدايـــره مــــن كـل جانــــب مغـــلقـه

دك الضلوع بخيله .. وسيفه ..وبالصوت الجهـــور
ولا استراح الا بعـد ثـارت.. رصــــاصـة بنــدقــه

اوجست لي خيفه من الواقــــع وتــــغريـب وفـــتـور
وآنست نار ٍ تشتـــعل فـــــي كـــــل ضـــلـع وتحرقـه

من عــادة الصـــبر يتــــجمّـل فــــي مغاليـق الصـدور
لكن مـــدري ليـــش حـرّك هـــــم صـدري واقـــلقـه

ياصاحبي عذرك معك ..وانا معك..وانت معذور
لو ضقت بي ذرعا ً.. ولو اخـــليت ربـع المـــنطقـه

انا بدوي ٍ في الغـيــاب اوجــــد تفاصــيـل الحـــضـور
وانت الوحيـــد اللي علــــي ّ بكـــــل حــال اصدقـه

سولف على رســــلك بفمّك .. وأنه دمـــك لايفـــور
واضــحك لو عيــــوني معـــــك بدمـــوعهـا مغــرورقـه

الصــــدق نبراس الوفاء .. والشـــعر مفتـــاح الشعـور
يصبح بها الانســــان في تركيــــبتـه .. مصـــدر ثقـــه

واحــــلمي الــلي كنـــت ادوّن حجــتـه بيـن الســطـور
ازريــــت لا اتخـــلـى عنــــه .. ولا قــــدرت احـــققـه

مدري وقـــف بيني وبــــينه ظرفـــــ متعنــت وجـــور
او فيه احد غــــيري لقــــى فرصـة غيــابـي واســـرقـه

المؤسف ان الـــروح خصــــبه واغــــلب الافكـــار بــور
والمــــشكله هـــذي وهـــذي ...بـــالشــهـود موثقـــــه

الغـصن لو انه يطـــيــــع الريـــــح فــــي بعــــض الامـــــور
مــاهــــوب لازم يــــنثني ويطـــــــاوع الريـــح... ورقــــه

مما رآآآق لـــــــــــي