جنـاح البـوح للشاعر ( أحمد عايد البلوي )

[عابر سبيل]

الشعـر شباكـك إذا الكـون حاكِمـك
.. .. .. .. .. إفرد جنـاح البـوح والصمـت خلّـه
الصدر قصر الروح .. والفكر خادِمك
.. .. .. .. .. إظهـر بأجّمـل ثـوب سيّـد وحلّـه
وضّح قناعاتـك لـو الوقـت يشّتمـك
.. .. .. .. .. بافعـال نــاسٍ مبـدئـك تستغـلـه
لـذا أبكتـب هالبسـاطـه وفهِّـمـك
.. .. .. .. .. لـو إن صدقـي زوّد الطيـن بـلّـه
ماجيتك أسحب عتمة الذنب وأنظمـك
.. .. .. .. .. جيـت ومصابيـح الوفـا مسفهـلـه
لا ما يجيب القلب قولة : ( بخاصِمك)
.. .. .. .. .. العلم أكبر مـن لظـى الشـوق كلّـه
لاْني أحبك صدق .. أرفـض أكلّمـك
.. .. .. .. .. و اوصل لشيٍ يستحي من وصـل لـه
لاْني أحبك صدق . . مابغـى أسلّمـك
.. .. .. .. .. لـيدين وزر وصـدر خـوف ومذلّـه
حَرمت قلبـي منـك قـدام ماحرِمـك
.. .. .. .. .. زول أجــوديٍ تستبيحـيـن ظـلّـه
للحب .. أقصِر خطوة إبليس وأكرِمـك
.. .. .. .. .. ماعيـش بـابٍ تاصلـك منـه زلّـه
ماهو أنا من أجمعك شوق .. ( وأقسِمك
.. .. .. .. .. وقت السهـر بـأذان صُحبـه وشلّـه
لاااا إنتي أكبر مـن جنـونٍ يداهِمـك
.. .. .. .. .. أكبر من الرغبه علـى صـدر علّـه
وإن كان شعري عن عفافك يساوِمـك
.. .. .. .. .. ملعووون هـذا الشعـر دِقـه وجلّـه
دامي ظمى . . ليه بسرابي أعشّمـك ؟
.. .. .. .. .. وأنـا بيدينـي عقـد أمـري وحلّـه
أعشقك حد الموووت .. لكـن بعلّمـك
.. .. .. .. .. إنـي ماحبـك قـد خوفـي مـن الله