شمس الهنا

[غيمة جده]

شمس الهنا

ليت عقلك سابقٍ ٍ بالوصول جنونك

وعاصيٍ (دافي مشاعرك ) برد لسانك

او وقف خوفٍ بغيرك بوجهك دونك

او سبيل الوصل يمي غدرك وخانك

المصيبة جيت كلك وانا لعيونك

كنت ضامي (ودّ) وامطرعلي تحنانك

ورّبع القلب بغلاك وغدا مفتونك

واشرقت شمس الهنا من جبين اوطانك

قبل اعرفك كان كل القصيد يخونك

كنت اغني باسم غيرك وهو من شانك

اقبلوا قبلك وهم باالغلا يتلونك

من يطاولك بخفوقي وهو ميدانك

في عيوني كلما برّقوا يلقونك

وان شكيت الخوف حسّوا بامان احضانك

وفي خفايا ( كل بيت وشطر ) يقرونك

كني اكتب عن شعورك واقول اشجانك

وجيت ياغيبٍ عشقته بكل شجونك

واستظلت روحي التايهة باغصانك

كيف اعبّر؟ وانت من رفةٍ بجفونك

تفرش الدنيا ( نعيم ) بلظى نيرانك

والحلا كله يدور بـــ ( محاري كونك )

والسحر (عاشق) يذوب بــ ( مدار اجفانك)

زين غيرك ما يلام ان غدا ممنونك

وقلب غيري مايلام ان غدا هيمانك

بس عيبك بعد نـــــوّك وقرب ظنونك

مثل كرهي راحتي لو خطر نسيانك

ياجنوني ليته اليوم وقت جنونك

او دفـــــاك اللي عرفته يجر لسانك

علي الهويلمي