عاتب النفس اظنه يستريح الضمير == من تحمل خطا غيره تحمل خطاه
لاتصير انت في عيني سوات الضرير = مايقديه ليمنه مشى الا عصاه
انت غير البشر للروح والقلب غير = لاتخيب ظنوني يامجدد غلاه
رغم سنك صغبر في عيوني كبير= والله انت الوحيد اللي خفوقي ولاه
لوتدور الكواكب والفلك يستدير = اعرف ان الجدي ثابت في سماه
من يشاورك ملزوم(ن) تحطه شوير = ضايع الراي خله ماشي (ن)في عماه
الغني غني النفس لوهو فقير = كم غني (ن) فقير(ن) كن مالله عطاه
كل حر(ن) ليامنه تضايق يطير = مايعود لصقاره لوانه دعاه
دام راسك على الدنيا تراني بخير = وان توفاك ربي جزت من الحياه
--------------------------------------------
الشعار - راشد الجنوبي
2012-01-12, 08:56 AM
عاتب النفس اظنه يستريح الضمير
العرض الشجري