من حقي أعصاك

[سراب]

قصيدة [ من حقي اعصاك ]

ياماخذن في خاطرك .. ويش اقلِّك ..!
اللي مضيق خاطرك .. جاي لرضاك
**
اليوم انا والقلب ..جينا محلِّك
صحيح طال البعد .. لآآآكنّ جيناك
**
جيناك انا والقلب .. وازريت اصلِّك
مدري مرار البعد .. لآآآوين ودَّاك
**
انسي الهموم اللي .. من اول تعلِّك
وابدي محبه طعمها .. طعم لقياك
**
القلب ما ملِّك .. ولو كان ملِّك
ما مل غير الهم / والضيق / وابكاك
**
انا حفظتك .. في غيابك / وحلِّك
حفظت من فوق الثرى .. وطيت اخطاك
**
يعني حفظتك ..! من قليلك / لكلِّك
ماظاع مني شي .. لو همسة اشفاك
**
إذا على الهجران .. عذري وصلِّك
وإذا على النسيان ..لا يمكن انساك
**
اهون علي الموت .. من قول خلِّك
العمر وش داعيه .. لآآآمن فقدناك
**
مادمت انا محبوب قلبك / وخلِّك
لو تطلب البعد من [ حقي اعصاك ]


القصيدة للشاعر
ماجد محيا ( الطاري )