ياعيون اللي سوات عيون دالي
وصف عينك فالشياهين بحريه
طيعي ياالخيره فالايام الخوالي
واكتبي للي تحبينه وصيه
عادة المقناص في برد الليالي
ماتدانيه العنود بكل شيه
تدري انه لا اتصال ولا وصالي
لاانتحو بالطير فالدار الخليه
هدة القرناس ومخاوا الرجالي
حي من هي عادته ياحي حيه
الوعد كان الحيا فأول هلالي
باشر الوسمي وجت حزه خويه
لاكشف برقه على روس التلالي
مثل برج المملكه والفيصليه
جعل نايف تبطي ايامه طوالي
مانعزا في وزير الداخليه
شي واحد فيه حبه ماتبالي
واحترامي للجواز وللهويه
فالولع والطير هو اللي مثالي
وفالسياسه والدهيا هو الدهيه
مالنا عن خدمته عذر ومجالي
ومن كذب تحرم عليه الشاذليه
دام له فالريش شف وطيب فالي
والمضحى والهدد والشمس حيه
والغلب كنه على خضر الزوالي
فالمصادم خالطٍ نبت الشغيه
فالتراب اللي من نصوب الخيالي
ادعثت فيه المزون العقربيه
ثم غدى ريحه عقب واديه سالي
كنها خلفى الدخون العاذريه
وقتها لا استر باله زان بالي
سيدي واغليه من بد البريه
قصيده الشاعر/ مانع القبع
رحمك الله ياسلطان الخير..
2011-10-23, 04:23 AM
ياعيون اللي
العرض الشجري