وخذيت من البنات الغيد عقبـك وحـده وثنتيـن...

[ابو سلطان العتيبي]

خلاص اعزم على الفرقا ولالك في رقبتي ديـن
تـرى حنـا تعدينـا الخـطـوط الاستوائـيـه

تفاهمنا على حسـم الامـور وكلنـا راضيـن
وتوادعنا مـا كـن اقلوبنـا خضـر وهواويـه

ومع هاذا عجزت اسج وانسى واتـرك المقفيـن
اغصـب القلـب لاكـن الغـلا قـدره الآهيـه

اعن لكل ما فـي نجـد حتـا شـارع الستيـن
واحن ان ذعذع الغربي على اهل الشرق عصريه

ولامنه مضى مـن كـل ليـلٍ حـروة الثلثيـن
عرفت ان نسبة النسيان دون اثنين فـي الميـه

وفكرت اتبدوا مع هل البل واترك اهـل الضيـن
يجوز البل تنسي مـن تبعهـا عـن مشاهيّـه

وشريت الوضح لعل وعساي اسلا مع الساليـن
وقعـدت اشـد وانـزل فاالتهاتيـه الخـلاويـه

ولاكن ما تغير حال هـاذا انـت تحدانـي ليـن
نويـت اتـم نصـف الديـن والنيـات مقفيـه

وخذيت من البنات الغيد عقبـك وحـده وثنتيـن
عساي اسج عن طارى الهوى وطيوف راعيـه

لاكن الوضع هو .. هو ما تغير والزمان ايشين
وحبك كل يـوم يزيـد فـي العيـن الشقاويـه

عسى ربـي يعافينـي ولايبـلاك قـول اميـن
تراني كنـي اللـي واطـيٍ لـه جمـرة حيّـه

تراني يوم كلمتك فديتـك عقـب تسـع اسنيـن
ما غيـر اهيـض العبـرات والا النيـه النيـه

مما راق لي للشاعر:
ضيدان بن قضعان

-