حسبي على اللي عزرو فيك تعزير

[ابو فيصل السبيعي]

السلام عليكم ورحمة الله وبركاتة
قصيدة لشاعر المعروف عبدالله بن عون

ياطير ماحدك نصيبك على خير
وراك مسجون" بوسط الغماره
حسبي على اللي عزروا فيك تعزير
تكفخ ويصلاك الحديد بحراره
في موتر" مال الولع فيه تأثير
تكسي أجار" مايعرف ألا أجاره
حشرت وحوش البر حتى العصافير
من يوم دور من وراها تجاره
ما للغشيم من الولع غير تدمير
دايم عماره صاير" في دماره
ياناقلين الطير من غير تبصير
حصيلكم منه التعب والخساره
أوفوا حقوق الطير وألا أترك الطير
لا تظلمونه ياجداد الصقاره
خلوه لمحمد عشير المناعير
اللي ليا شافه يعرف إعتباره
مقدم هواة الصيد من توه صغير
من خلقته يعطي عليه البشاره
يعطيه حقه في ليال المخاضير
لا بكر الوسمي ولجلج خضاره
قدام يظهر في نباته نواوير
ينصاه لو إنه بعيد" مزاره
مايمنعه دونه ردي الأشاوير
في نجد وألا نازحات" دياره
الطير يبغاله عنايه وتدبير
رجل" يعرف إهانته من وقاره
هذاك أبوتركي زبون المخاسير
سمح الحجاج اللي يذري جداره
يفزع لمحتاج" ويكرم مسايير
وغيث" على من يستجير بجواره
من جاه يشكي له من الوقت تقصير
مضهود وإلا مستجير" أجاره
ويطرب لنقل مصخر الخرب تصخير
وإطلاقة المسباق شفه وكاره
وينومسه فعل الفروخ المغاتير
ومن كل قرناس" تخير خياره
هذا يخل الريش مثل المعاصير
وهذا يشوقه لا حجل في طياره
كم ماقع" قفر" جهم له بتبكير
وأثعى بصيده حين يشرق نهاره
وإن جاء الضحى الضاحي وجت حومة الطير
حول بروض" في مفيضه قراره
وصكو عليه أهل الوجيه المسافير
والقهوجي قدامهم شب ناره
وإستانسوا في جو مافيه تكدير
ودارت سوالفهم عناد وعياره
وأخذوا لهم مقدار ساعات لا غير
لين الهوا يسكن ويركد غباره
ثم روحوا بين الصلاتين وعصير
والشيخ فك سبوق طيره وأداره
مستبشر" بالخير والصيد ما ذير
والطير صقاره يحب إختباره
وأشرف على جو" خضاره نواوير
فيه الخزامى والنفل والشقاره
وأخذ عن اللي عادته تلة السير
مايلتفت راعيه يسبر شناره
غلاص طلع" له على الصدق تبرير
يأخذ على الجو البعيد إنحداره
حول على جول" تقافى مدابير
زرق النحور اللي عليها الدواره
الطايره يرسل عليها مشاهير
مثل الجهاز اللي بتوجيه أداره
والدارجه يرسل عليها جزازير
كل أفدع" مع قو ضربه شطاره
يفرى نحرها فرية الدلو فالبير
تلقى الفؤاد مظهره من ستاره
في وقتها ينسى وداد الغنادير
وينسى جميع معاملات الوزاره
هذي حقوق الطير ياظالم الطير
ماهوب حقه سجنته فالغماره