السلام عليكم
بمناسبة قرب دخول الوسم انقل لكم هذه القصيدة الجزله التي اعجبتني فاحبيت ان اضعها لكم
فاآمل أن تنال إعجابكم.
جانا الوسم والارض مستبشره خير
عسى الولي يعلها من سماها
يازين براقه ليا رفرف عصير
ورعادها صوته يدوي صداها
واركب عليها ربنا بالشخاتير
عشرين ليله عصرها مع ضحاها
والعشب عقبه زاهي بالنواوير
يطرب حياة اللي بعينه رآها
وفوق الشجر تسمع صفير العصافير
ومن السرور تردده في غناها
وياماحلا عند العصر هدة الطير
حرار شام ماتضيع عشاها
وتزين كشتات الوجيه المسافير
زحول(ن)تعز ضيوفها وقصراها
اشفق على خوة قروم المناعير
ربعن ينومس فعلها مع نباها
ربعن على الطولات تسوى طوابير
الرأي واحد والمعزه عصاها
وفي المرجله وافين مافيه تقصير
وعن الزلل تكرم جميع خوياها
خوة قروم تنشرى بالدنانير
هذا هوى نفسي وغاية مناها
وصلاة رب الخلق والي التدابير
عداد ماهلت من المزن ماها
والسلام عليكم
2011-08-26, 02:10 AM
قصيده بمناسبة الوسم ...
العرض الشجري