يا يمه منتهي جيتك وطالب منك الغفران

[أبوعوض]

يا يمه منتهي جيتك وطالب منك الغفران

=====================
يمّه .. منتهي جيتك وطالب منك الغفران

أقبّل قاعة إقدامك واغسلها بدمعاتي

يمّه .. كل ما فيني يناديلك أنا ندمان

طلبتك؟.. قولي سامحتك وردي لوجهي بسماتي

أنا أدري قلبك الطيب كسرته بصدمة النكران

غلطت .. وغلطتي هذي تعير كل غلطاتي

تشوفي الشيب يا يمّه ترى ماجا وأنا فرحان

وربي إلي رفع ذاتك ونزّل للردى ذاتي

فقدت الراحة من بعدك .. فقدت الطيبة والحنان

بدونك .. راحتي غاية بدينك هذي راحاتي

أنا بعدك ولا حاجة أنا بعدك ترى عميان

أشوف .. ولا أشوف إلي يوريني مساواتي

أنا وسيد الشقى والهم من بعدك غدينا أخوان

يجيب هموم ها لعالم .. ويرميها بمتاهاتي

صدقتي .. يوم قلتي لي تدين اليوم بس تندان

رميتك في بداياتي .. ورموني في نهاياتي

أنا من شالك بيده ورماك بأسفل البركان

نخيتيني .. وطلبتي ني .. ولا حصلتي نخواتي

مثل ماهنتي بعيوني .. عليهم قلبي يمّه هان

رموني وضعتهم فزعه .. وأنا الدمعات فزعاتي

يا يمّه لا تضنيني أنا من فعلهم زعلان؟

سواتٍ فيك سويته وسوً فيني سواتي

يا يمّه .. يالله ظميني ودفيني بالأحضان

أنا أدري فيك مشتاقة .. وهمك بس ملاقاتي

يا يمّه (حيييييييل) ضميني أبي أرتاح أنا تعبان

تعبت أهرب من ذنوبي أبيك آخر مسافاتي

أبسمع منك أي كلمه .. لصوتك مسمعي ولهان

أبسمع (يمّه) بصوتك أبذكر فيها نشواتي

أشوفك ساكتة يمّه ؟!!.. غفيتي ولا أنا غلطان؟

غفيتي يا بعد عمري؟.. تعبتي من مواساتي؟

يا يمّه طالبك قومي .. إذا لي في عيونك شان

أشوف الموت بعيونك .. عساها تخيب هقواتي

تعالوا يا بشر شوفوا أنا محتار أنا تلفان

أنا أمّي مدري وش فيها أنا مدري أنا أحاتي

شنو ؟؟ أمّي أنا ماتت !!! لا لا.. لا ترى غلطان!!!

أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان

أنا أمّي ما تبكيني .. ولا تتمنى آهاتي

يا يمّه صح ما متى؟ .. وصح الموت تو ماحان؟

إذا متي أنا بعدك أبقضي وين ساعاتي..؟

يا يمّه قومي يا يمّه .. وقولي الموت لا ما كان

أنا جيتك وأنا ناوي أبًدي فيك جناتي

تركتيني ومتي ليه؟؟ تركتيني وأنا غرقان؟

ولا مسموح يا وليدي!! .. ولا تلعنك لعناتي!!

أنا الجاني .. وأنا المجني .. وأنا المخطي .. وأنا الندمان

وأنا بأيدي رميتك إيه .. وبعثرت أهم ملفاتي

وجيت من إلهنا مفلس .. وقلبي من الضنا خسران

تركتيني على ناري أعدد فيك زلاتي

ولآني مرضيٍ ربي .. ولآني تابع الشيطان

أنا بعدك ترى مابين نهاياتي وبداياتي

يا يمّه منتهي جيتك وكلي مرتجي غفران

وشفت الناس تلعني .. وتحذرني من الآتي..،

*******************************************


تقبلو تحياتي