(((بعض العرب حبـه يـوردك الجنـون ;;ولا يوصف لـه غـلاه احكـاك لـه)))

[حـــــارب]

بعض العرب حبـه يـوردك الجنـون =ولا يوصف لـه غـلاه احكـاك لـه

مايقنعه وصف الغلا لـو وش يكـون = لو كل حـرفٍ بالحريـر يحـاك لـه

الموت جـاك وهـو تقلبـه الضنـون = ولا لك الا الصبر....وش وداك لـه؟

ان قلت ضايق..قال : هونهـا تهـون = مايدري ان ضيقتك لـه وبكـاك لـه

تقعد تحبه وانـت ساكـت ومغبـون = يمكن بيوم يقال لـه مـا اوفـاك لـه

وكانك مشكك هو يمون .. او ما يمون = تخيّل ان عفـت الصبـر فرقـاك لـه

غلاه من فـوق الغـلا ماهـو بـدون = وحكاه سمعك يجبـرك بارخـاك لـه

ودك تحطـه فالعيـون مـن العيـون = وتبسط على رمضى الثرا يمنـاك لـه

وتظله من الشمس في ظـل الجفـون = ولا يمـر اذنـه سـوا لبـاك لــه

وتسج مـن غيـره لونهـم يذكـرون = ومنين ما سجت القـدم ممشـاك لـه

فلو ٍ يميلـه التـرف ميـل الغصـون = غصن ٍ ليـان ومكرمـه بسقـاك لـه

وجديله الى اقفى ستـر منـه المتـون = كنّـي بريحـه لالتفـت لدعـاك لـه

كيك وعسل لكن ماهو فـي صحـون = ودعاك من عين الحسود اغطـاك لـه

الله لا يعطيـه نـاس س ينضـلـون = ويستر عليـه مـن النحـل لا ياكلـه

الوصف والتعبير في وصفـه يخـون = غير اطلب الله يستجيب ادعـاك لـه

وعذال قلبـك فـي محبتـه يخسـون = سكينهـم عـن قطـع حبلـه حاكلـه

اللـي مـن لحـوم الاوادم ياكـلـون = وحلوقهـم دافـع الـبـلا متواكـلـه

ناس ٍ عن اعراض العرب ما يعرضون = ودايم على نفـس الشكـل والشاكلـه

فـي سلمهـم اولا بالاكـل الاقربـون = واطيبهم اللـي صيدتـه شكـواك لـه

يدعيهـم الشيطـان للذنـب ويجـون = هـذا يقـطـع لــه وذاك يواكـلـه

يا جعلهم فدوة ثـر الغـض الفتـون = اللي على الدرب الطويل اخطـاك لـه

طيفه الى نـام البشـر زارك بهـون = وطيفك الى نـام البشـر سـرّاك لـه

حبه دفان ومقبـرة خضـر الطعـون = بيـن العظـام العـوج كنـك ناكـلـه

اللي كذا حبـه لـو تمـوت مغبـون = ولا لك الا الصبـر .. وش وداك لـه

لشااااعر محمد بن فطيس المري

ممااااااااا راق لي
اخووكم عناااااد الجهني