على طارى صباح الورد واسمك الحلا والذوق

[مزون الغربية]

السلام عليكم ورحمة الله وبركاته
تحية طيبه للجميع
مما رآإأإأإق لي واتمنى تعجبكم...
.
.
.
على طاري صباح الورد واسمك والحلا والذوق
ذكرتك يااجمل احلامي بقافي واستهليته
على درب القصيد أسوق قلبي والخطاوي شوق
واذا مالت بي الخطوه على دربك تناسيته
يهز الشوق بأعماقي عناقيد الغرام عذوق
ويقطف بالغلا فيني غرام(ن)خنت واخفيته
احبك كثر مايشعل غرامك في حشاي حروق
وشبه زود لو يحرق ضلوعي مت ما اطفيته
أحبك دمعت(ن)طاحت على خد الصباح شروق
يموت النور لو طاحت على كفي وضميته
احبك ايه احب اسمك وأموت بجيدك المنتوق
وتخيل كثر ما أكره صدودك قمت حبيته
تموت من البطا غيمه طعنها من جفاك بروق
وغشى روض الحشا وسمي جفافك وانت ما ارويته
رحلت ومابقى منك سواك انت وعنا مفهوق
عنا ذاك الربيع اللي غشاني ماتمنيته
تعال اجرح على كيفك تربع واستحل عروق
تدلل والبساط احمد وانا لرضاك مديته
قم إسهج لآخر ضلوعي تغلغل داخلي برفوق
حلالك مابقى مني مع اللي لاجلك افنيته
من اللي من غديت أجمل قصيده ما غدا له ذوق
ومن اللي كتب بسمك قصيده وانكسر بيته
وربي من كتبت اسمك وبروزته بقلبي فوق
وأنا ما دار في بالي قصيد ما تحاليته
دخيل الدمعتين اللي غدت منها الخدود شقوق
ترافق سامحك ربي على قلب(ن)لك اهديته
اذا لك حق في قلبي فانا لي في غلاك حقوق
وحقوق الشوق محفوظه وحدي ماتعديته
يذكرني صباح الورد وإسمك والحلا والذوق
وأردد يا(اجمل احلامي)بقافي يوم هليته
ودمتم بود.